صوت المحاني

اعزائي اضع بين ايديكم هذه المشاركه الاولى امل ان تحوز على رضاكم

اه ياقلب(ن)يحده مـن زمانـه حـادي =واه ياكبد(ن)تجـرع مرهـا ملهـوده
واه ياضرم على كفـي وعنـد زنـادي =اقتبس صوان ذاته من جبال السـوده
مادريت اني بوادي واصدقـاى بـوادي =لين بانت لي ملامح من سكن برمـوده
في صلاح النيه امشي والمسيد وسـادي =والصدا كلمه وكلمه صوتهـا مـردوده
كل ماهزت كيانـي قلـت شـي عـادي =ياحلو كاس العشارق يوم ذعذع نـوده
الرحى دارت وحارت والحيـاه جهـادي =والرجوله عند اهلها غايـة منشـوده
كل شاعر للقوافي يـوم صـاح ينـادي =بالجدايل تلعب الخفره وهي مصيـوده
الحرار تصيد شـي نـوب ماينصـادي =والهدان ان دان حاله قاصر(ن)ماروده
لو يتيه شوي عنها قيل يمكـن غـادي =لوحلف واقسم على انه مايخون عهوده
جمرتين(ن)في ثغرها والحكـم جـلادي =ماتسر اللي لقاهـا حجتـه واشهـوده
عازف الليل اعتزابـه ليلـه المنقـادي =والمشاعر ترجمت له وده ومقصـوده
واه لو قلت اه واكثـر زاد بـي عنـادي =مايكف اعناد مثلي غير نصب احـوده