ديوان كسرات الشاعر ماجد عبدالله الجدعاني الحربي ( أبومديدة )

ماهو ضروري تكلِمْني=وتتصِّل بي على الجوال
إرسِل رساله وطمِْنـي=سِعر الرساله برُبع ريال

تخطي عليا وأداريها=وأقول مِن حبْ مايزعل
اليوم وِدي أعدِّيها=لكِّنها جات في مقتل

أهل المعاني لهم نظره=وكُلاٍ حسب نظرتُه يطمْح
إن صِرت جمّاح فالكسره=فالقوم لازِم تشوف أجمْح

عبرالجوال كان هذا القاف بين الأخ الشاعر القدير/ قابل البشري و ماجد ابومديدة،
بتاريخ ليلة الجمعة 21/11/1429ه

نبغى نمْسي على الشُعار=بإسم الصداقة وزود الود
وان مايجي للمثل مِسعار=ندراه حتى يجينا ند
مسيت بالخير مانحتار=عطنا علومك وتلقى رد
عندي لديناركم دينار=عملة بعملة ونقد بنقد
فالسوق بنجرب التُجار=اللي تمغروا لهذا الحد
يبغون بالين والدولار=والاعلى ريال ومحدّد
فالسوق لاتآمن الأخطار= من فوقك يدك تعلّت يد
مربوط سعر الذهب بعيار=وان زدت تلقى عليك ازود
أشوف وسط الصدف محار=واقول هذا الخبرمايعْد
واليوم مافي شوير يشار=يكون شورُه أمل للغد
آنا اعرف أن الكبار كبار=وانت تشوف ونظرك يسد
عطنا معانيك يابيطار=ويجيك نقش المثل من جد
ان جات للعِرف والمقدار=كل شي مخبور ومفنّد
هوالهوى برد ولآ نار=ولآ دفا بين قُرب وصد
من دون لايطوِّل المشوار= البينة ماتبا مشهد
حال الهوى يحكمُه معيار= في يد من تعشقه وتود

محاوره بين
ماجد عبدالله أبومديده
&&
قابل فرج البشري

سلام لاصحابنا مُرسل = من رايق البال تأسيسُه
مبني على الطيب ومكمّل = والشوق يشعِل فوانيسُه
ترحيب بالطيب نستقبل = لأهل الوفا سِلم من كيسُه
مرصوف بنيه ولايختّل = ومايختلف في مقاييسُه
راع الوفا فوق ماينزل = شامخ بعِلمه وتدريسُه
واللي معه صار وإستكمل = بيسدِد القيل ويريسُه
غيرالوفا شي مايحصل = يامن كسبتوا نواميسُه
واللي بدا حرفها يكمل = ويدِّن مبدا هواجيسُه
نسنس نسيم الهوى وأقبل = بإسلوب حاوي تضاريسُه
إستقصد القلب في مقتل = يبغى يجرِّح أحاسيسُه
هذا الهوى لو نعيمه حل = تلقى الشقا في نسانيسُه
لكن فالمسأله فصِّل = وبين خوافي كواليسُه
وآطرفي اللي عزيز وهلْ = حزين أنسُه وتأنيسُه
اللي تناحى سنين وطل = وأسقى من الجوف تغريسُه
إن كان مد الغلا ماقل = لازم تراجع كراريسُه
يمكن سنين الظما تحقل = وتهِّد أعتا متاريسُه

أكتب لكم هذه الخاطره من جديد كسراتي
وهي للإطلاع فقط
أرجو أن تنول إعجابكم

مِن فيه بين البشر مِثلي=عاشِق ولاشاف عُشاقُُه
قلبي تسيطر على عقلي =وذوّقُه شي ماذاقُه

ماجد أبومديده

أكتب لكم هذه الخاطره من جديد كسراتي
وهي للإطلاع فقط
لعلها تحوز على رضاكم

يارافِع الصوت بالكسره=إعطِِف علينا وبْكّينا
والله يانِشتكي حسره=مِنها نِسينا أسامينا

ماجد أبومديده