ديوان كسرات الشاعر ماجد عبدالله الجدعاني الحربي ( أبومديدة )

محاوره بين
ماجد أبومديده
&&
والشاعر أبوحامد

لو تدري الروح وش جاها=بالعيـن يومِّنهـا لــدت
القلب عايش على رجاها=يمكن على وقتهـا عـدت
وش غاية العين ومناهـا=يومِّنهـا بالنظـر مـدت
من شان نمنع سبب داها=ونردها كـان ماأرتـدت
قمريـة الـدوح فغناهـا=يوم اطربتني و لا سـدت
هي غاية العين و دواهـا=اللي عن أنظارنـا شـدت
مادام شدّت عـن حماهـا=وللعيـن ماجابـت وودت
يجـوز غيـرك تولاهـا=ومن بعد غنت لكم صدّت
ما هي رخيصة و بعناهـا=و بجناحهـا عننـا ردت
ما يطرب الطرف لسواها=لو المدامـع منـه نـدت
المقفـيـه لاإتّقّـفـاهـا=مادامها أبكتـك وإتحـدّت
روحك على العِز محلاهـا=حتى لو جروحهـا جـدّت

ويصحابنا سامحونا

بين الشاعرين
أحمد بن عبود العمودي
&&
ماجد عبد الله أبومديده

أبومديده=
أنظُر معي في عذاب الليل=قدام تطلع عليه الشمس
وتزيدني ويل فوق الويل=اللي أحسُه من أول أمس
العمودي=
أخوك دونك بجيش وخيل=شرواك ماأرضى عليه المْس
إشرح لنا الوضع بالتفصيل =مادمت واقف ومدّ الخمس
أبومديده=
كيف الزمـن قـام بالتمثيـل=وأقلق منامي بطيبـة نفـس
مابين عدل الكـرى والميـل=خلاني أمسي في وسط الحبس
العمودي=
طبع الزمن من زمان الفيـل=مقلق وكلـن بطبعـه حـس
بس الكرا عنك ليش يميـل=وتصبح بسجن السهر محبس
أبومديده=
عذاب نومي عذاب مهيـل=من يوم هبْ الهوى وإحتْس
ولاتلوم أعمى على القنديل=مادام ماشي معُه بالعكـس
العمودي=
ماظن عنه العذاب يحيـل=منه عليه الهوا نسنـس
وأللي بلاشوف كيف يخيل=لوما يمد اليدين وعـس
أبومديده=
ماأبغاك تسعى ورا التأويل=وإنت عن الوِد تعطي درس
نبع الأحاسيس يوم يسيل=بيـن الموديـن ماينـدس
العمودي=
حسب التقاريـر والتحليـل=أصـدر قــرارات وآدرِّس
والود من جيل يتبـع جيـل=غامض كما البحر ومطلمس
واحيان يحصل منه تكميـل=ما اقول لك الود متغطـرس
لو يسلم الود قـال وقيـل=فالود مـا تلتقـي مفلـس

ماهو ضروري تكلِمْني=وتتصِّل بي على الجوال
إرسِل رساله وطمِْنـي=سِعر الرساله برُبع ريال

تخطي عليا وأداريها=وأقول مِن حبْ مايزعل
اليوم وِدي أعدِّيها=لكِّنها جات في مقتل

أهل المعاني لهم نظره=وكُلاٍ حسب نظرتُه يطمْح
إن صِرت جمّاح فالكسره=فالقوم لازِم تشوف أجمْح

عبرالجوال كان هذا القاف بين الأخ الشاعر القدير/ قابل البشري و ماجد ابومديدة،
بتاريخ ليلة الجمعة 21/11/1429ه

نبغى نمْسي على الشُعار=بإسم الصداقة وزود الود
وان مايجي للمثل مِسعار=ندراه حتى يجينا ند
مسيت بالخير مانحتار=عطنا علومك وتلقى رد
عندي لديناركم دينار=عملة بعملة ونقد بنقد
فالسوق بنجرب التُجار=اللي تمغروا لهذا الحد
يبغون بالين والدولار=والاعلى ريال ومحدّد
فالسوق لاتآمن الأخطار= من فوقك يدك تعلّت يد
مربوط سعر الذهب بعيار=وان زدت تلقى عليك ازود
أشوف وسط الصدف محار=واقول هذا الخبرمايعْد
واليوم مافي شوير يشار=يكون شورُه أمل للغد
آنا اعرف أن الكبار كبار=وانت تشوف ونظرك يسد
عطنا معانيك يابيطار=ويجيك نقش المثل من جد
ان جات للعِرف والمقدار=كل شي مخبور ومفنّد
هوالهوى برد ولآ نار=ولآ دفا بين قُرب وصد
من دون لايطوِّل المشوار= البينة ماتبا مشهد
حال الهوى يحكمُه معيار= في يد من تعشقه وتود

محاوره بين
ماجد عبدالله أبومديده
&&
قابل فرج البشري

سلام لاصحابنا مُرسل = من رايق البال تأسيسُه
مبني على الطيب ومكمّل = والشوق يشعِل فوانيسُه
ترحيب بالطيب نستقبل = لأهل الوفا سِلم من كيسُه
مرصوف بنيه ولايختّل = ومايختلف في مقاييسُه
راع الوفا فوق ماينزل = شامخ بعِلمه وتدريسُه
واللي معه صار وإستكمل = بيسدِد القيل ويريسُه
غيرالوفا شي مايحصل = يامن كسبتوا نواميسُه
واللي بدا حرفها يكمل = ويدِّن مبدا هواجيسُه
نسنس نسيم الهوى وأقبل = بإسلوب حاوي تضاريسُه
إستقصد القلب في مقتل = يبغى يجرِّح أحاسيسُه
هذا الهوى لو نعيمه حل = تلقى الشقا في نسانيسُه
لكن فالمسأله فصِّل = وبين خوافي كواليسُه
وآطرفي اللي عزيز وهلْ = حزين أنسُه وتأنيسُه
اللي تناحى سنين وطل = وأسقى من الجوف تغريسُه
إن كان مد الغلا ماقل = لازم تراجع كراريسُه
يمكن سنين الظما تحقل = وتهِّد أعتا متاريسُه