][ ماذا سنكتب على جدار الزمن ][

لاتسأليني عن اسباب الزعل مدري؟؟؟= يجوز نفسي على كثر الجفا ارتاحت
او يمكن اني عرفت السر من صغري =مابالحمامه حزن لو انهـا ناحـت
حتى اتخذت الهجر في مقتبل عمري = طبيعةٍ زاحت الأحبـاب مانزاحـت
ماوالله ابكي ولكن من سنا جمري= شف ريحة العود لولا الجمر مافاحـت
كم عبره لآ غفيت اكنها بصدري = مير البلا لاقعـدت الصبـح ماراحـت
تكبر معي تدرك المحجر ولا تجري = من يوصف الدمعه اللي مابعد طاحت؟؟؟
ابقى على حالتي ادري ولا ادري = لااجتاحت ايام بعض ايـام ماجتاحـت
بس اتركيني انا وعبراتي وعذري = عايش على ذكريات الغير لآلآحـت
والا انت بالذات لاتجرح ولا تبري = لاعين رفت لـك ولا اذن لك صاحـت
=حاكم المعلا