قصيدة إجتماعية

بسم الله الرحمن الرحيم

يا سلام الله عليكم عـد وبـل الناشياتـي=عد ما هلّت و سيّل كل وادي مـن حياهـا
مجتمعنا مـا نذمّـه مشتهـر بالطيباتـي=ملتزم هدي النبي و البيّنات اللـي قراهـا
حكّموا نهج الشريعة بالتواضع و الثباتـي=لين صرنا في حضارة عز متجـدد بهاهـا
المساجد عمّروها بالمـدارس و الصلاتـي=إن حضر وقت الفريضة قدّموها عن سواها
يفتدون رقاب الأسرى بالجهود الكايداتـي=صلح ذات البين دائم يرخص الغالي فداهـا
من كرمهم للضّمان الإجتماعـي بالهباتـي=فرحت العين الحزينة واستهلت في بكاهـا
نحتفل بأعياد الأمة و الضمايـر صافياتـي=الفطر قبل الضحيّة ما نقصّر فـي وفاهـا
ألأمان أكبر فضيلـة بالمدينـة و الفلاتـي=في ظلام الليل نسري ما علينا من رداهـا
للقيّم نأخذ و نعطي مـع ثقافـات اللغاتـي=نستفيد بفايدتهـا نقتبـس جـذوة سناهـا
في مجالات التطوّر و العلـوم المعضلاتـي=من كنوز الأرض نجنى وانطلقنا في فضاها
هاض بالي يوم شاهدت النجوم السارياتـي=كل نجمٍ في مساره زيّنت صافـي سماهـا
سيرها ثابت على مر السنين الماضياتـي=مااختلف سير الثريّا والنجوم اللي معاهـا
المصيبة في بعضنا كل يـومٍ فـي شتاتـي=ضيّعوا للوالدين اللي رضا الله من رضاها
اشغلوهم بالمشاكل واغضبوهم بالشماتـي=ثم في دور الرعاية أودعوهم فـي حماهـا
إنقطع وصل الرحم اللي حقوقـه واجباتـي=ياصل الله من وصلها و يقطع اللي ما يباها
اليتيّـم يطردونـه يارثونـه بالحيـاتـي=السعيد اللـي تكفّـل باليتامـى واحتواهـا
المسيكين الفقيّـر مـا يجونـه بالزكاتـي=حكمها واجب مقدّس يرحم الله من عطاهـا
جارهم ما يعزمونه فـي جميـع النايباتـي=يعزمون الزمرة اللي مصلحتهم من وراهـا
الخوي يستحقرونه بالرمـوز الجارحاتـي=البدو تحقر حضرها والحضر تحقر بداهـا
ضيفهم ما يطعمونه في سكنهم مـا يباتـي=يرسلونه للفنادق و يتغـذى مـن غذاهـا
الغريب اللي مسافـر بالديـار الواسعاتـي=لو نشدهم عن طريقه يتركونه في عماهـا
لولا حكّام الجزيـرة والقيـادات الثقاتـي=يردعون أهل الجريمة كان ضعنا في خزاها
النبي أختم بذكـره المشفّـع يـا عزاتـي=المشفّع بالخلايق يوم تُبعـث مـن ثراهـا

الشاعر / عبدالرحمن مساعد الجحدلي

المساجد عمّروها بالمـدارس و الصلاتـي إن حضر وقت الفريضة قدّموها عن سواها
يفتدون رقاب الأسرى بالجهود الكايداتـي صلح ذات البين دائم يرخص الغالي فداهـا
صح السانك

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح لسانك كثر حروفها واكثر والله

قصيدة جزلة بالحيل ، وكل قاف احسن من الثاني .


تحياتي

اعجابي بلا حدود

صـــح لسانك

سلمت عزيزي

الذراع

صح لسانك وبيض الله وجهك

صح السانك وبيض الله وجهك

جزله من جزل

لاهنت عافاك الله

الشاعر العملاق/غازي الزغيبي

الحب الباقي
ابـــ(نواف)ــو

لــهــيــب

دكتـــــور الحـــــب

الشاكر أبو سامي
مشرف ملتقى الكسرات

الشاعر/جريح الفرقا

الله لايهينكم وصحّت أبدانكم و شكراً على حضوركم الرائع

مع أطيب التحيات