نصائح

حسين مريع
،
تسلم على هذه الأريحية
،
ويسلم بعيد الشوح على هذا الصدق والصراحة
،
مع الآخرين ( ولربما تُبنى القصيدة المكسورة القافية
،
لوقوعها محل مضاف اليه أو جمع مؤنث سالم منصوب
،
حسب شعراء ةنقاد الشعر النبطي على ياء
،
وش نسوي رجعنا معهم مجبورين
،
أما بالنسبة لهذه القصيدة حسب رأي المتواضع
،
بالنسبة لبنائها تبنى كل ثلاث أبيات على قافية
،
وليس الشاعر ملزم بقافية واحدة
،
الا القفلة على قافية واحدة لأنها ( مجالسي )
،
وأصحاب النقد والتخصص أعرف مني
،
،
وبعدين على الطاروق السابق
،

نعمين ياللي تشعلون الفتيلة=وتحربون الزير خلف المتاريس
يالين وبل الغيث أسقى مسيله=بمسلباتٍ في يدين النواميس

اخي جريح الفرقا وجهك ابيض ياالغالي ا اسدني كثير انها نالت رضاكم واشكركم
على المرور حفظك الله

الاخ العزيز لافي اشكرمرات عديدة لين ترضا على مرورك واقول لاخي في
نظري ان بعض الكلمات لواضفت لها ياء مثلا العباد تغير معنى الكلمة
والمعاد المقصود بها يوم القيامة ولكن لو حطيت في اخرها يا اصبح
معناها ( المعادي) اي العدو على كل الاحوال اتقبل النقد بصدر رحب والانسان
خطاء وليس هو من يقيم نفسه بل الناس يقيمونه اشكرك واشكر اخواني جميعا

انتم عزاتي في نهار الحفيلة = انتم رجال فالملاقا مقابيس
مثل المطر لاهل يسقي هليلة = روس الجبال وسيلها فالطواعيس
انتم سباع ولاتبون الهزيلة = روس السمان مسدحة فالمفاريس
انسى هذاك الوقت واتسا حصيلة = ماضي مضا لايشغلك بالهواجيس
اليوم حنا في حياة ظليلة = ناكل ونشرب في بطون الدهاليس
السلم زين ولايسمى فشيلة = ماعاد فينا ذبح والا محابيس

	المشاركة الأصلية كتبت بواسطة حسين مريع العبيدي

	الاخ العزيز لافي اشكرمرات عديدة لين ترضا على مرورك واقول لاخي في نظري ان بعض الكلمات لواضفت لها ياء مثلا العباد تغير معنى الكلمة والمعاد المقصود بها يوم القيامة ولكن لو حطيت في اخرها يا اصبح معناها ( المعادي) اي العدو على كل الاحوال اتقبل النقد بصدر رحب والانسان خطاء وليس هو من يقيم نفسه بل الناس يقيمونه اشكرك واشكر اخواني جميعا انتم عزاتي في نهار الحفيلة = انتم رجال فالملاقا مقابيس مثل المطر لاهل يسقي هليلة = روس الجبال وسيلها فالطواعيس انتم سباع ولاتبون الهزيلة = روس السمان مسدحة فالمفاريس انسى هذاك الوقت واتسا حصيلة = ماضي مضا لايشغلك بالهواجيس اليوم حنا في حياة ظليلة = ناكل ونشرب في بطون الدهاليس السلم زين ولايسمى فشيلة = ماعاد فينا ذبح والا محابيس

حسين مريع العبيدي
،
أنا معك في كل ماذهبت إليه
،
ولكن لأني أحب النقاش ووجدت ظالتي
،
ولأني أحب أن أستفيد من جميع مايطرجه
،
مثلك وشرواك من جزال القصائد
،
أما الأبيات فصدقت لافض فوك
،
ولكن هي ترانيم على جدار الزمن
،
دمت لنا بكل ما تحمله من أخلاق حوارية راقية

شكرا اخوي كسبنا معرفتكم

سلمت عزيزي

حسين مريع العبيدي

صح لسانك وبيض الله وجهك

اخوي ابو سامي وجهك ابيض شاكر مرورك والحمدلله انها اعجبتك

	المشاركة الأصلية كتبت بواسطة حسين مريع العبيدي

	ابدي بذكر الله عزيزا لجلالي = مجري هبوب الريح شرق وشمالي ومنزل الماء من صدوق الخــــــــيالي = ومدبرالاكوان جهر وخفـــــــــــيات يالله ياعالم بما في الضـــــــــــــــماير = ياللي وهبت المعرفة والبصــــــاير وعلمتناا بالرابحة والخســـــــــــــاير = انك تجنبنا الزلل والخطـــــــــيات قال العبيدي يوم ساق القــــــــــوافي = زين معانيها على شرح وافـــــــي وحكم كلامه بين وزن وقــــــــــاقي = وسطربيوت حافلة بالعــــــبارات اوصى العيال وجملة السامـــــــعينا = نصيحة للي لها قابليـــــــــــــــــنا حيث النصيحة شيمة المسلـــــــمينا = يوصي بها الاسلام في كل الاوقات مااخص واحد من عيالي ووصــــيه = اقولها والكل يسمع باذانـــــــــــــيه راع العقل لابد عقله يقـــــــــــــديه = والحريفهمها برمز الاشــــــارات احفظ وصاتي ياولد يوم اوصـــــيك = واسمع كلامي يوم ابرك واربيك نصيحة الوالد من الضيم تنـــــــجيك = وانا مجرب حلوها والـــمرارات علمتكم ياعيال كل الفضــــــــــــايل = وجنبتكم درب الردى والرذايل وحفظتكم فيالصغرمن كل عايــــــل = وساعدني المولى جزيل العطيات اوصيك بالثنتين سر وجــــــــــهارا = ثنتين لاتاخذ عليها خيـــــــــــارا هذي حقيقة ماعليها غـــــــــــــبارا = احذر تحالفها وتندم بالاثـــــبات الاولة توحيد رب العــــــــــــــباد = توحيد خالص من صميم الفواد اللي خلقنا واليه المـــــــــــــــــعاد = الواحد اللي منفرد بالعــــــــبادات حكم كناب الله وســــــنة محـــــمد = واحفظ شرايعها من الجزر والمد واحذر امور جات من غير مســند = دينك نجاتك فالامور المهمات واطلب من الله كل شيىء تريــــده = الله رحيم ويستجيب لعبــــــــــــــيده وانهاك في يسر الزمان وشــــديده = لاتمد يدك الا لرب البريـــــــــــات كمل فروض الدين واركان الاسلام = وداوم عليها فالليالي والايـــــــــام يوم ورى يوم وعام ورى عــــــــام = واعمل لحسن الخاتمة في النهايات والثانية رفع المضرة عن النـــــاس = اسعى لفعل الخير مع كل الاجناس ترى العلوم الخيرة ترفع الــــــراس = والدين يوصينا برفع المضرات وان شفت لك بين القرايب طــــلابة = وصلت مشاكلهم لحد الحرابة عليك بالاصلاح بين الــــــــــقرابة = اصلااح ذات البين للشهم غايات وان جات من بعض المحاليق زلة = اصفح وسامح واحتسبها على الله ترى السماحة عز ماهي مـــــــذلة = واجرك على مولاك رب السماوات والضيف قدم له هلا حيبن يــــلفي = واصحى عن الضيفان يالصقر تقفي الجود بالموجود للضيف يكــــــفي = مع كثرة الترحيب به والتــــــــحيات وافرح لياماجوك فالليل خطــــــار = ماحلى مقابلهم على شبة النــــــــــار والمكرمات مكملة بن وابـــــــــهار = وسوالف تشدى لسلم الجنيهات اتبع رجال الفكر واختارالاصحاب = اللي لهم فالحل والربط مضراب اللي نهارالضيق تفتح لك الــــــباب = ويوصلونك للعدود الرهيات وابعد عن الاوباش واهل النــــمايم = اللي مجالسهم فسوق وظــــــــلايم ترى النميمة من كبار الجرايـــــــم = كم فرقت بين اللحم والقرابات واختار لانسابك ترى العرق دساس = حذراك تنزل منزلة مالها ســـــــاس وشاور ترى للبحر عايم وغــــطاس = ولاخاب منه شاور اهل المــشورات ياذيب وان جاك الغلط والــــــتحدي = مالك وعرضك ماعليها تـــــــــعدي خلك مع العادي قوي التصد ي = هذي طباع اهل الوفا والـــــــــمروات قاوم ليابان الخصم والـــــــــمعادي = خلك كما ذيب طويل الايــــــــــــادي اما شهيد وفي سبيل الجـــــــهادي = والا انتصرت وجات لك بالسلامات وخلك على الشدات عندك مناعــــة = وصبرك عليها من طروق الشجاعة واجعل يمينك مع يدين الجــــــماعة = من شذ عن ربعه حياته خســـارات وارفع لسانك عن هزيل الــــــــكلام = خلك حكيم وكلمتك ماتــــــــــــلامي ترى الكلام الزين يرفع مـــــــــقامي = ويزيد من قدرك في كل المقامات والجارله حق علينا ولوجــــــــــــار = افزع لجارك واحسبه من هل الدار ترى حقوق الجار واجب على الجار = احسن جواره لو منعك الزيارات والمال لايشغلك جمعه ولمـــــــــــه = الرزق من صورك يكفيك هـــــمه واللي يحب المال عايش في غمه = يقضي حياته في حساب الريالات وعينك على والدك في كل حيـــني = ترى رضا الله من رضا الوالديني البر والطاعة وهم عايشـــــــيني = ثم اطلب الرحمة لوالدك لامات عن المحرم عف والزم حدودك = والياعطيت الوعد تمم وعــــــــودك واحذر مدى الايام تنقض عهودك = العهد نقضه من فنون الخــــــــيانات وطاعة ولي الامر له حق مشروع = عليه يامر والامر منه مســـــــــموع ترى حياة الناس تابع ومتبــــــوع = والله يعز اللي حكم بالـــــــــعدالات انظر لما يجري في وسط الجزيرة = القايد الظافر يقود المســـــــــيرة امن وامان وخير عم العشـــــــيرة = متحدية بالامن كل الحكومــــــــــات بعد عرفت المخطية والصواب = وقريت ماجا فالسنن والكــــــتاب راجع حسابك قبل يوم الحساب = واعمل لمسح السيئة بالحسنات واود الخص كلمتي في النهاية = خل الشكالة لك وسيلة وغاية والله يهدي من يحب الهدايـــــة = ويجنبه درب الخطا والغوايات يالله ياللي فوق عرشك تعليت = انت الكريم ولامر عبدك توليت طالبك تغفر زلتي كان زليت = واللي جرى لي في عصور الجهالات واعداد ماهبت علينا الهبايب = واعداد ماهل المطر من سحايب وسالت عليه الاودية والشعايب = صلواعلى محمد كثير الصلوات

الله الله الله

بيض الله وجهك نصائح ودرر تدل على حكمة شاعرها

جزل اخي الغالي والله يعطيك العافيه

مكسب تواجدك بيننا

وننتظر جديدك

وجهك ابيض اخوي حمود المكسب هو معرفتكم طال عمرك

الاخ الشاعر المبدع / حسين مريع العبيدي

اشكرك على سعة صدرك

واسمح لي بهذا التنويه البسيط

المعادي ( بتسكين العين = تعني صاحب العداوة )
المعادي ( بفتح العين = تعني العودة والرجوع 0 وهذا ما قصدته )
( ارجوا ان تنطقها كما كتبتها انت اصلا وتضيف باخرها الياء دون تغيير نطق الحروف )

وتقبل تحياتي لك ولكل من شاركنا