قصيدة في أجتماع مشايخ الأحامدة

لقد تشرفت بإلقاء هذه القصيدة في حفل مجالس الأحامدة وعلى شرف مشايخ الأحامده ...الشيخ صادق بن سلطان الأحمدي والشيخ رباح بن مطلق الاحمدي والشيخ خالد بن محمد علي الأحمدي .
مع وافر التحيه والتقدير لكم جميع..

يا الله يامعبود فـي سـر وجهـار=ياعالمـاً سـر النفـوس وخفاهـا
ياقابـل التوبـة وللذنـب غـفـار=بسمك بدعت القاف فـي مبتداهـا
يامرحبا بشيوخنـا نسـل الأحـرار=يامشرفيـن الحفـل عـزاً وجاهـا
ترحيب مثل الغيـث لاهـل مـدرار=وسالت شعاب الارض وانبت فلاهـا
سرابي الهوجاس يالربـع وافكـار=ورحت اتخيل في الديـار وحلاهـا
سمر الجبال الشامخة عـز واكبـار=ديارنـا واللـي عشقنـا ثـراهـا
جات القوافي من عذيبات الأشعـار=انظـم معانيهـا واجـود بنـاهـا
واكتب عدد ماهبت الريـح بشجـار=وعد الرمال اللي شكت من ضماهـا
ياناشدا عن ديرتي جتـك الأخبـار=ديرة سلـوم الطيـب للـي بغاهـا
أرضٍ كساها الطيب وتسر الأنظـار=معشوقتي ماحـب قلبـي سواهـا
سمر الجبال ديارنـا مابهـا انكـار=نحبهـا ونحـب منهـو مشـاهـا
فيها النخل شاهد ويحكي لك أسرار=ورياض بالخيـرات ربـي حباهـا
والما قراح ومن عميقات واغـزار=مـن عـد لاوردت وروده رواهـا
وياما حلاها ديرتي وقـت الأمطـار=بـرق يلـوح ومزنـةً هـل ماهـا
تسمع رزيم رعودها يهز الأسـوار=بامر الولي ساق السحاب وسقاهـا
ويازينها لاربعت عشـب وازهـار=لاهب نسنـاس الهبايـب طواهـا
والنحل يجني بين الأزهار واثمـار=والدلو فوق البيـر عِلّـق رشاهـا
والصيد فيها طل من راس مسبـار=بين الصخور وممتنع فـي ذراهـا
وبيت الشعر مبني على عز ووقـار=يلقى بـه الخطـار كامـل قراهـا
والنجر صوته ذاع مع فج الأنـوار=هقـوة وشيمـة للبيـوت وغلاهـا
وفنجال من دلة بهـا بـن وبهـار=وزين العوايد عند منهـو سخاهـا
وفي برها جمعة على شبـة النـار=وقـاف لعشـاق المثايـل مناهـا
وزهم الفرنجي في الميادين لاثـار=في شمّخ الضلعان تسمـع صداهـا
هي ديرتي لو امحلت لو غارت ابيار=هي عزنا في عسر السنين ورخاها
اعشق لهيب القيض في جوها الحار=واعشق حصاها والرمـال ولظاهـا
أرض الجدود اللي عربين الاذكـار=أهـل الفعـول اللـي قديـم ثناهـا
ربعي عوايدهـم حشيمـة ومقـدار=وشيخِ عظيمات المراجـل حواهـا
حلالة القـالات لـو سـار ماسـار=ومن حدته سـود الليالـي نصاهـا
لاسولفو حكمـة وقصـة وتعبـار=يامدورٍ طيـب القلـوب وصفاهـا
ريف الضيوف اللي من البعد خطار=أهل الكـرم والجـود حـيّ نباهـا
يمنـى سخيـة ماتعـرف التعّـذّار=طيبٍ من أهل الطيب طيّب عطاهـا
يحكي لك التاريخ نبذه مـن أخبـار=يا الأحمدي تنبيك عن مـا وراهـا
ماضٍ مجيد وقصة أبطال واحـرار=ناموس كسبـوه الرجـال وقداهـا
ربعي حماة الدار مـن كـل غـدّار=لارفـرف البيـرق ودارت رحاهـا
أهل السيوف المرهفـة حـد بتّـار=كم قطرت في أرض المعارك دماهـا
الأحمدي في قمـة المجـد لـه دار=ربعي قناديل الدجـى فـي سماهـا
واليوم جيلٍ في المعالي له اصـرار=روس الطوايل في العلوم اعتلاهـا
والحر مايسكن مطاميـن الأوكـار=مواكره عسرة علـى مـن رقاهـا
والأحمدي مذكور في كـل مضمـار=وحق ترا مـدح الرجـال بوفاهـا
وصلات ربي عد من للحـرم سـار=على الـذي سمـاه مـولاه طاهـا

صح لسانك


وبيض الله وجهك على القصيدة الرائعة


دمت مبدعاً ومتألقاً



تقبل تحياتي واحترامي

صح لسانك ..

قصيده رائعه واحساس اروع ..

الأحمدي في قمـة المجـد لـه دار///ربعي قناديل الدجـى فـي سماهـا

صــــح لسااااااانك يا أبو رغد ..

فديت رأسك .. وفديت احساسك المنتشي لقبيلتك ..
لا حرمنا الله منك ولا من لسان قصيدك ..


لك عنفوان من الود المقيد بالحبه ..

وليد

وبيت الشعر مبني على عز ووقـار
يلقـى بـه الخطـار كامـل قراهـا
والنجر صوته ذاع مع فج الأنـوار
هقـوة وشيمـة للبيـوت وغلاهـا




صح لسانك عدد بلا مدد يابن العم والاحامدة كفو كفو كفو ويستاهلون صراحه قصيدة شامخة .

صح لسانك ...... ومليون نعم في الاحامده

يحكي لك التاريخ نبذه مـن أخبـاريا الأحمدي تنبيك عن مـا وراهـا
ماضٍ مجيد وقصة أبطال واحـرارناموس كسبـوه الرجـال وقداهـا
ربعي حماة الدار مـن كـل غـدّارلارفـرف البيـرق ودارت رحاهـا
أهل السيوف المرهفـة حـد بتّـاركم قطرت في أرض المعارك دماها
الأحمدي في قمـة المجـد لـه دارربعي قناديل الدجـى فـي سماهـا
واليوم جيلٍ في المعالي له اصـرارروس الطوايل في العلوم اعتلاهـا
والحر مايسكن مطاميـن الأوكـارمواكره عسرة علـى مـن رقاهـا
والأحمدي مذكور في كل مضمـاروحق ترا مـدح الرجـال بوفاهـا
وصلات ربي عد من للحرم سـارعلى الـذي سمـاه مـولاه طاهـا


قصيدة جدا رائعه وشامخه بشموخ شاعرها وقبيلتها
صح لسانك يابو رغد وعلا شانك
وعساك عالقوة

ودمت ودامت لك إعتزازك بقبيلتك
ودمت شاعرا

صح السانك وبيض الله وجهك وبستاهلون ربعنا الاحامده المدح والثنا

لاهنت الله يعطيك العافيه

أخي مطرح القعدان

عساك سالم وصح بدنك

وممنون لحضورك هنا

أخي المطر

صح بدنك وشاكر لك تشريفك

وعساك على القوة