سيل ومطر ....الطارف سداد

	المشاركة الأصلية كتبت بواسطة الصييفي

	صح لسانك يا ورقان و حبيت أجاريك حتى و لو متأخر و تراك مسامح لو ما رديت بعد هذي المدة: البقا باللي كتب شعره مع انْزول القَطِر= حَمْد لله يوم سالت مملكتنا يا فصيح الله يعِلّ الديار بسيلة(ن) ما هي كِدَر=و عل قلب الشاعر يرَوِّق و بارض الله يسيح

صح لسانك شاعرنا الصييفي وهلا ومرحبا بك وشرفني واسعدني ردك يالغالي
واستلم :

مرحبا والديرة بكره تلبس الثوب الخضر = ريحها نفح الخزاما والزهر من كل شيح
والطيور اللي تغرد فوق اغصان الشجر= لحنها يومن تغرد يبري القلب الجريح

	المشاركة الأصلية كتبت بواسطة ورقان

	صح لسانك شاعرنا الصييفي وهلا ومرحبا بك وشرفني واسعدني ردك يالغالي واستلم : مرحبا والديرة بكره تلبس الثوب الخضر = ريحها نفح الخزاما والزهر من كل شيح والطيور اللي تغرد فوق اغصان الشجر= لحنها يومن تغرد يبري القلب الجريح

مرحبا بك يا برقان
و شكرا لك على قبولي:

يا سلام الله على وادي الرِّمَه ضاق و حَدَر= له ثلاث عقود نايم و المطيح اهو المطيح
لين حطوا في مساره مزرعه فيها قَصِر= يحسبون السيل ينسى الدرب و يرده صفيح

	المشاركة الأصلية كتبت بواسطة الصييفي

	مرحبا بك يا برقان و شكرا لك على قبولي: يا سلام الله على وادي الرِّمَه ضاق و حَدَر= له ثلاث عقود نايم و المطيح اهو المطيح لين حطوا في مساره مزرعه فيها قَصِر= يحسبون السيل ينسى الدرب و يرده صفيح

الرمه وادي طريقه من المدينة للحفر= كلها ديرة نشاما وربع يزهاهم مديح
مار يالصيفي ياليتك لو تدقق فالنظر= لو بنا وسط المسايل ما يصح الا الصحيح

	المشاركة الأصلية كتبت بواسطة ورقان

	الرمه وادي طريقه من المدينة للحفر= كلها ديرة نشاما وربع يزهاهم مديح مار يالصيفي ياليتك لو تدقق فالنظر= لو بنا وسط المسايل ما يصح الا الصحيح

و النعم باللّي على مجراه ما فيهم دِشَر= كل ديرة ما خلت من ساس طيب و هابّ ريح
اشهد اني شافت عيوني كثير من العْبَر= شفت رشاشات عشر ابراج في دربه سديح

	المشاركة الأصلية كتبت بواسطة الصييفي

	و النعم باللّي على مجراه ما فيهم دِشَر= كل ديرة ما خلت من ساس طيب و هابّ ريح اشهد اني شافت عيوني كثير من العْبَر= شفت رشاشات عشر ابراج في دربه سديح

والنعم بأهل الكرم وأهل الشجاعة والفخر= مكرمين الجار لوهو جارهم ماهو نصيح
وحيل الله أقوى يالصييفي كان مع سيله خطر= وبالخطر مابه شماته مار سدك لايبيح

	المشاركة الأصلية كتبت بواسطة ورقان

	والنعم بأهل الكرم وأهل الشجاعة والفخر= مكرمين الجار لوهو جارهم ماهو نصيح وحيل الله أقوى يالصييفي كان مع سيله خطر= وبالخطر مابه شماته مار سدك لايبيح

الله انه يجعل الديرة بالاخيار تعَمِر= و يبعد اهل الشك و الريبه هلِ الوجه القبيح
كل سيل(ن) عارف(ن) دربه و لو قدمه حفر= و الشماته ما لها داعي، و لكني صريح

=الصييفي;409125]

الله انه يجعل الديرة بالاخيار تعَمِر= و يبعد اهل الشك و الريبه هلِ الوجه القبيح
كل سيل(ن) عارف(ن) دربه و لو قدمه حفر= و الشماته ما لها داعي، و لكني صريح

[/QUOTE]

بعض العرب لا زاد عمره زاد عقله لا كبر = وبعض العرب مع كبر عمره غادين عقله سريح
والغدير اللي على سطحه عكس ضو القمر= يعكس الصور(ة) يبان القبح والوجه المليح

(ة) خطا إملائي تم تعديلة والمعذرة