بالشعر واسلوم الرجال العريقه

احمد الطريسي
هذه القصيده في الشاعر الكبير زيد بن مبشر الحصني ويشرفني ان اضعها بين ايديكم

مابه عليكم زود يابن مبشر=بالشعر واسلوم الرجال العريقه
سيف لدم انحور الاعدا يطشر=وذخرن إلحرب اهل الوجيه الطليقه
اوجهك على عز ومعزه يبشر=بالطيب والفزعه وشيمة رفيقه
ياجعل يفداك الضعيف المدشر= اللي سنام المرجله مايطيقه
ولاشاف طيب بفعل حربي إيكشر=لامادحن ربعه ولا بل ريقه
والا انت حرن في سما المجد نشر= جنحانه اللي للفخر ماتعيقه
مدحتني مدحن بزيد المؤشر =وافخر واحفظه مثل حفظ الوثيقه
مانته كما اللي كل شعره مخشر= مشري وفزعه كان ماهو سريقه
له سبحتن تشبه إلذيل المعشر=ولاشاف له مرقاب روح يويقه
وسط الصحايف كل يومن ينشر=وشواربه قدام دقنه حليقه
وانا ما اخذت الشعر جاهز مقشر=اغوص في وسط البحور العميقه
وليه مع الشعار قسمن يوشّر=في راس من حسده سبايب إلضيقه
وبالقافيه شرواك ماينتحشر=انته علم واحمد بداية طريقه

صح لسانك وعلاءشانك ياشاعرنا الجزل احمد الطريسي ويستاهل شاعرنا العملاق زيد بن مبشر الحثل كل جزله ومدحه لجنابك ماجاء من فراق وانت ياحمد كفو لهذا المدح وهذا التتويج من ابن مبشر طال عمره ولاهنت على هذه القصيد المميزه والرائعه ولا فض فوك يالذرب سلمت ودمت ودام لك هذا الابداع والتميز وتقبل مني صادق الود والتقدير لشخصك العزيز