الى لافي بن حمود الغيداني

ياراكب اللي لامشا كنه يسوق ولايساق=الياعتلابه سايقه في هــــــــــمته عـــــــنده ثــقـــــه
لادق سلفه واشتغل تقول ناوي للسباق=ولاعشقه السواق ويش يصـــــــير لامن عشـــــــقه
يفز فزة مسلم(ن) ناصي يهودي باالعراق=ماهمه جيوش التحـــــــــــالف يوم جات المنـــــــطقه
لاجل الشهاده مايهمه لويموت باحتراق=متحيزم(ن) بحزام ناســــــــــــف في جســــده موثـــّـــقه
اليا هزع له مع دروب(ن) ينطلق فيها انطلاق=يرسي بطـــــــريقه دون صوت ودون حتى طقطقه
سبعة(ن) والفين صدر جيب باالتصميم فاق=علامة اللكزس عليه من الخــــــــلاف ملصـّــــــــقه
اليانطح كنه حبيب ناطحك يبغى العناق=واليا تعدا خاب عزم اللي يفكر يلحقه
سايقــــــــــــه بيني وبيــــــنه عاقدين الاتفاق=يوصّل المرسول قبل تــــــغيب شـــــــــــمس(ن) مشــــــــرقه
على طريق الدايري في كل عزمه يوم ساق=عارف(ن) درب القـــــــصيم وقد هــــــزع مع مفرقــــه
مايهمه لو يجي باالدرب كتمه واختناق=ولاعليه من الغيوم المرعـــــــــــده والمــــــــــــبرقه
موصف(ن) له وجهته ومعطيه انا وصف(ن) دقاق=الياوصل دخنه نشد اهل الوجــــــــــــيه المطلــــــقه
عن شاعر(ن) له في ضميري قدر وافي واشتياق=ومعزّته في داخـــــلي والله ماهي ملــــــفــّــــقه
ايوالله انه غالي(ن) اقولها ماهو نفاق=اقولـــــــــــــها لو زودوا اهل النمــــــــيمه النقنـــــــــقه
لافي بن حمود لاجيته ورحب بك وساق=فنجال بن ولازمك لوهــــــــــو بيدينـــــــــــــه حقّقه
بلغه مني سلام (ن)صادق وحلو المذاق=من شاعر(ن)طاروق شعره فـــــــيك يالافــــــي طرقـــــه
انا نصيتك يوم همي زاد واصبح لايطاق=باشتـــــــكي لك من عذاب ومن هموم مقلقــــــــه
وش حيلة اللي يشتكي في هاالزمن جرح الفراق=لاصبر عن شوف خله زاد همـــــــــه واحـــــــرقه
استيسرت قلبه هنوف(ن) اشتكا منها وذاق=من الحزن كاس(ن) بيدها مدته وقـــــــــــالت ذقــــــــــــه
قد قلت انا ياطايشه ارجوك فكي لي الوثاق=يامن وضعتي القلب ماسورن بحصــــــن (ن)مغلقه
هيااقتليني مابقا في داخلي دم (ن)يراق=انا ضحية حب صادق مارضـــــى باالــــــتــــــــــفرقه
دارت الدنيا وعقب وقفه بدت باالانطلاق = وابتدت ترفق بحالي يوم جتني مشـــــــفـــــــــــقه
خطبتها لكن قبل مايستريح الصدر ضاق=ومن قبل حتى لايجينا الشيخ لاجل نصدقه
تلخبطت دنياي فجاه وابتدت باالاصطفاق=وضيّعت دربي مااعرف غربه ولااعرف مشرقه
بغيبوبة(ن) مرّت سنه ويوم العقل باالراس فاق=جتني هموم الزمن جتني وهي متدفقـــــه
اكبر قهر من طعنة(ن) ياليتها جت من رفاق=ومن قبلها ياليتني مـــــيـــــت بحبل المــــــشنقه
من خبر جاني وكنّه صافق(ن) وجهي طراق=قالوا قريب(ن) لي خطبها والعلوم موثـــــــقـــــــــه
ياعسى الله يوفقه لوان همّي مايطاق=ياعسى الله يوفقه ياعسى الله يوفــــــــقــــــــــــه
اليوم هي في ذمته يومه غدر فيني وباق=حلم(ن) رسمته في حياتي في يدينه شــــــقـــــــــقه
ومادامني رجل(ن) بجنب راضي(ن) باالافتراق=واللي عطاهم بالكريك يمدلي باالمـــــــــــــــلعقه
باعز نفسي باالصبر يوم انقطع حبل الوفاق=وان طاح عزمي هاالشنب عهد(ن) عليه لاحلقه
قصة حزن في واقعي لاماختلقها اختلاق=كتبتها بحبر القلم ابيــــــــــــــات من فوق ورقه
وختامها صلوا عدد نجم سطع فوق الافاق =على النبي اللي رحمنا الله يوم انه خلقه

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

الحب الباقي
صح بدنك
و
الله يعافيك
اسعدني مرورك

يفز فزة مسلـم(ن) ناصـي يهـودي باالعـراق
ماهمه جيـوش التحالـف يـوم جـات المنطقـه

اللهم اصلي على محمد

أخوي الشاعر / عادل المخلفي
صح لسانك و بيض الله وجهك على هذه القصيدة الجزلة و أنت نرشحك من كبار شعراء القبيلة و تستاهل

صح لسانك والله يعطيك العافية

وتقبل تحياتي

اللهم صلي وسلم على محمد

صح لسانك اخوي عادل المخلفي

والله يعطيك العافيه

	المشاركة الأصلية كتبت بواسطة حميدان العوفي

	يفز فزة مسلـم(ن) ناصـي يهـودي باالعـراق ماهمه جيـوش التحالـف يـوم جـات المنطقـه اللهم اصلي على محمد أخوي الشاعر / عادل المخلفي صح لسانك و بيض الله وجهك على هذه القصيدة الجزلة و أنت نرشحك من كبار شعراء القبيلة و تستاهل

صح بدنك

وشهادتك تاج وفخر لاعدمتك


تقبل تحياتي

	المشاركة الأصلية كتبت بواسطة راجح الغيداني

	صح لسانك والله يعطيك العافية وتقبل تحياتي

صح بدنك

والله يعافيك

وفالك التوفيق

	المشاركة الأصلية كتبت بواسطة حمود الجابري

	اللهم صلي وسلم على محمد صح لسانك اخوي عادل المخلفي والله يعطيك العافيه

صح بدنك اخوي

واسعدني مرورك

صح السانك حتى ترضى

قصيده يقصر الوصف دونها ما اقول الا غاية الروعه والابداع لاهنت بيض الله وجهك