ديوان الشاعر عبدالعزيز الزويهري

سـلام نبـدابـه القـالـه=ينصى هل العرف و القانون
قّـدام لا نشـرح الحـالـه=سـلام للـي لنـا يوفـون
ترحيـب يرويـك همـالـه=و الكيل وافي و لك موزون
اكتب و حرر لنـا رسالـه=فيها الهدف كامل المضمون
عسى البقا يا هـل الطالـه=و ياليتكـم عننـا تـدرون
القلب لـو نشكـي اهوالـه=يظلم في عيني جمال الكون
الغيب لـو نـدري احوالـه=ما كان يا صاحبي تشكـون
هيا ابتـدي قـول موالـه=لعـل قلبـك عليـه ديـون
لي قلب صابر على اشكاله=مجروح و الدمع شاب النون
يا آه ما جيـت فـي بالـه=فوق الاسى بالهجر يقسون
يا صاح لا تقبـل اهمالـه=لابد توصل لهـم عربـون
و العيـد لا تسبـق هلالـه=كمل صيامك كما المسنـون
سنيـن و آنـا اتهيـالـه=يرفق على خافقي المحزون
وش عاد من روح تصفاله=تهون عنـده 100 مليـون
المال ما يوصـل وصالـه=يا ليت من روحكم تعطـون
وان كان ودك على اقبالـه=لابد فـي طبعهـم تقـرون
غريب الاطوار فـي افعالـه=جميع الالوان عنـده لـون
اللي شكـى هـم غربالـه=يا كيف في معالجه تسعون
البحـر لا مـاج بنكـالـه=اخفض شراعك لحين يهون
ولابـد جـوك بيصفـالـه=لاكنت كاتـب لمـا يملـون