أصـعـب حـقـيقــة

،
،
،

لا خاب ظـني وطاحت كل هقواتـي "="من حقي أشره على الدنيا وأجادلهـا

\
/

ياواقعي .. وين تاخذنـي متاهاتـي ؟ "="ماكل من هـو بدا رحلـه .. يكملّهـا
لون الدجا صار .. يقفي ولا يآتـي "="خيّـم على تالـي الدنيـا مـع أولّهـا
خالفت قصدي .. وضيّعـت إتجاهاتـي "="وعوّدت نفسي .. تجامل من يجاملها
شدّيت عزمي وحل الصبر مأساتـي "="بس السعاااادة .. قليل اللـي يحصلهـا

***

ياسود الأيام .. هاتي مابقـا هاتـي "="الليل حالك .. ولا تنفـع مشاعلهـا
أدّور اللي طعني في وسـط ذاتـي "="ياليت يجهز على حالـي .. ويقتلهـا
أقلـّـب الوقت .. واسترجع سجلاتـي "=" وماكل من شـاف ميلاتـي يعدلّهـا

***

قطعت حبل الرجــا بأصدق علاقاتـي "="وبعض المخاليق .. مـاودك تواصلهـا
لا خاب ظـني وطاحت كل هقواتـي "="من حقي أشره على الدنيا وأجادلهـا
ولو كل شور ٍ يجي ويروح بسكاتـي "="كان أكثر الناس ماحلـت مشاكلهـا
عن البدايـات .. ماتفـرق نهاياتـي "="والناس .. تكثر بهالدنيا مشاغلها
علمني الصمت كيف أجعل من أبياتي "="تبوح بأصعب حقيقه كنـت جاهلهـا
علمني الوقت .. كيف أخفي معاناتي "="وأكتم بصدري همومـي واتحملّهـا

،
،
وسلامة قلوبكم