هذا هوى قلبي وهذا اشتياقه

للتواصل معكم

قصيده ليست جديده ارجو قبولها

شعر الغزل كنسلت معه المواثيق=ولا بيني وبينـه ياحامـد علاقـه
خليته لبنت الهـوى والعشاشيـق=مادام ما لي فيـه ياخـوك فاقـه
اشوم عن نظمه بكـل الطواريـق=لن الفتى منشود عن كـل عاقـه
اتعب على اللي يرفع الراس ويليق=واعشق جزيلات المثايل عشاقـه
ولاني مكلف فالبشر والمخاليـق=كلن على ذوقـه يسيـر مذاقـه
انا غرامـي شوفتـي للمطاليـق=من نايـد العربـان والا الرفاقـه
عز الصديق وحافظين المواثيـق=شيالة اثقـال الحمـل والوساقـه
يومن ولد اللاش ييبس به الريـق=ولا له على شيل الثقيلات طاقـه
يقفون في الميقاف ماياقف طويق=مايخلفه هب الهـوى واصطفاقـه
شفي مجالسهم بعال الشواهيـق=واشفق على خوة كماهم شفاقـه
في خايعٍ فيـه الحبـارا مدانيـق=وايظاً عطايـا الله ثمانيـن ناقـه
منقية اللي ما اقتناهـن تفاريـق=جملة مغاتيرٍ مـن اطيـب نياقـه
بوصوفهن لاحولن ماش تفريـق=متخاشـراتٍ فالحـلا والحذاقـه
ودلالٍ تحالـي رقـاب الغرانيـق=رسلان فيها الكيف صافي مذاقـه
وسوالفٍ ماهي نميمـه وتبريـق=ولاهي هروج اهل الهروج الدقاقه
مجالسٍ تجلي عن الخاطر الضيق=هذا هوى قلبـي وهـذا اشتياقـه

تحياتي

تركي الشيخ

صح لسانك يا تركي الشيخ
قديمك و جديدك دائما مصدر إعجابي
حتى و ان كانت هذه مشاركتي الأولى بعد لقانا في "مجالس حرب"
الشعر الجميل يفرض نفسه
تقبل تحياتي

صح لسانك ولاهي غريب عليك العلوم الطيبه والشعر المبدع
تقبل تحيتي وتقديري

صح السانك وبيض الله وجهك قصيده جزل من جزل يلوق به علم الطيب

لاعدمناك تركــــــــي الشيخ,,,

ابيات جميلة ,,,

لاعدمناك تركــــــــي الشيخ,,,
ابيات جميلة ,,,

صح لسانك ياتركي والله يعطيك العافيه

شاعر جزل وأنا من المتابعين لقصائدك .

صح لسانك ياتركي

ويشهد الله انك شاعر جزل

في المجالين

النضم والمحاور وكفو للعلم الغانم

ومجالس النشاما

صح لسانك
..
..
أسجل اعجابي بالقصيدة
..
ويعطيك العافيه ..

صح لسانك

قصيده جزله من شاعر جزل

بيض الله وجهك