. . . ( العالم اللي همها تقرا الجديد من القصيد ) . . . !!

	المشاركة الأصلية كتبت بواسطة منصورالمعمري

	مساءكم سكر : . . في البدء : ابيـك ياليـل الحـزن لاجيتهـا ساعـي بريـد= طمِن خفوق الغاليـة بعـد الفـراق . . وقلهـا !! (( لو عشت كل اللي بقى من عمري الضايع وحيد= حبيبتي تبقى وانا ابقى طول عمـري خلهـا )) !! بيتين كانا المحفز الحقيقي لكتابة هذه القصيدة .. بقي أن أقول أن يداً رائعة إمتدت لتقدمها الى مجلة الوجد .. تمنياتي أن تنال رضاكم : . . العالم اللـي همهـا تقـرأ الجديـد مـن القصيـد= ولا واحد ٍ منهم سأل عن ضيقتـي وش حلهـا !! يمـر عيـد النـاس لكـن مايمـر القلـب عيـد= توقفـت أعيـاد قلبـي مـن سببهـا كلـهـا !! كل ماضوى ليل الحـزن وأخـذ يدينـي للبعيـد= يم الدروب اللـي جهلـت الحـب قبـل أدلهـا !! أمرهـا وأسـأل مبانيهـا عـن العمـر الجديـد= والشجرة اللـي ظللـت خليـن وينـه ظلهـا !! والبير والبيت القديـم اللـي سقوفـه مـن جريـد= وشباكهـا يـوم إنتلاقـى . . ملنـي ماملهـا !! اعاند الدمـع وشعـور اليـأس والحـزن الأكيـد= واخاف اموت من الفرح بالدرب قبل أوصلّهـا !! لاجيتها ماعـاد قلبـي صلـب وعروقـي حديـد= يـذوب قلبـي والعـروق أشواقهـا تحتلـهـا !! تأثيرها أقسى من ( وداع الموت ) في اهل الفقيـد= وأشد قسوة مـن دمـوع الصـد يـوم أهلهـا !! واصدق من البسمة الليا بانت على ( الطفل السعيد)= واطهر من ورود ٍ صدوق الغيـث تـو مابلهـا !! اتذكر أني قبل أسافر قلـت يـا الحسـن الفريـد= لاتاخـذك فينـي الشكـوك دقاقهـا أو جلهـا !! ( تنهدت ) والخد يسأل دمعها ( هل مـن مزيـد )= قالت عيوني لو يطول البعد ( أيـش أعملّهـا ) !! إن غاب صوتك وانتبهت أن الحزن أصبح رصيد= بالله قلـي ضيقتـي بالبعـد كـيـف أفلـهـا !! سافرت وأشواقي لهـا مـن كثـر مافينـي تزيـد= ونصيبها جاها وأنـا فـي غربتـي وأشتلهـا !! راحت وأنا باقي على الذكرى ولا ادري وش تفيد= يمكن ٍ نصيب ٍ ساقها لغيـري يكـون أفضلّهـا !! ابيـك ياليـل الحـزن لاجيتهـا ساعـي بريـد= طمن خفوق الغاليـة بعـد الفـراق . . وقلهـا !! (( لو عشت كل اللي بقى من عمري الضايع وحيد= حبيبتي تبقى وانا ابقى طول عمـري خلهـا )) . . منصور المعمري

الله

الله

على الإبداع

ابو ثامر صح لسانك على هذه الرائعة كروعتك

و بانتظار جديدكـ