الحــــــــــــب الأول و الحـــــــــــــــب الثاني !!!!!!!!!

الحــــــــــب الأول والحـــــــــــب الثاني

الـــحـــــب الأول في الحشا ينشب إعروق = ومـــن شــريـان الـقـلـب تـروى عـروقـــه
يـشـبه لخــوط مـن الـروى طـال مـمشوق = بـــه الـــــورق يـنــدا وبــايــن مــشـــوقـه
كـنه غـرس فـي نـبـع مـا يــنـسـقى سوق = ومــن الـــزلال الــنــبــع دايـــم يـــســوقـه
يـمـيـل مـع نـسـم الـهــوى مـيـل ويـروق = يــا زيــن مـيــالــه ويــا زيـــــــن روقــــــه
لـــه ذكــريــات ودمــوع كـالوبل وبروق = كــمــا مـــخــــال الـلـيـل تـسـري بـروقــــــه
يــــمـــوت مـا يـنـسـا بـهـا كــل معــلوق = تــبــقــا مــعـــه حتى تــقــطـــّع عــلــوقــــه
ما يـخـلـفــه حــيا ً ولا هــو بـمـسـبـــوق = الـــــــــحـــــب الأول للحـظـوظ السـبـوقـــه
لــصـــاحــبه يـشـتـاق شـوقــا ًبعد شوق = وإذا طـــرا طـــريـــاه يـــــزداد شـــوقـــــــه
خصوصا ً إذا البـعـد عـن بعـضـهم عوق = عــــــاق الـجـــســد والـقـلب أبد ما يعوقـــه
يـتـخـيـلــه فـي لايــح الـفـكـر والـمـــوق = وصــــورتــه مــا بـيـن رمـشـه ومـوقـــــــه
أوقــات ســارح مـنــه الــفـكــر مسروق = أســـتــلـّـــــتـــه مــنــه الــعـيــون السروقـه
وإن كــان مـلــتـمـّـيـن فـالـفـن والــذوق = كلا ً حــبــا الآخــر بـفـنـّـــه وذوقـــــــــــــــه
إحــسـاس مــتـبـادل مــع حـلو مــنطوق = اللـــي ضـمـر قـلـبـه ظــهــر فــي نطوقـــــه
تـفـصـال لا قـتـلـه ولايـق لـهــا لــــــوق = أفــكــار طـبـق وطـبـع ذوقــه ولـــوقــــــــه
والـقـلـب مـا يخــتار له شخـص مرموق = يرضــا بمــا تــرضــاه الـعـيـن الـرموقــــــه
مـن لاطــف الـخــلـفـا لـقـا در وغـبــوق = ومــــن لا يـــلاطـــف ما يــلاقـــي غـبوقـــه
ــــــــــــــــــــــــــــــــــــــــــــــــــــــــــــــــــــــــــــ=ــــــــــــــــــــــــــــــــــــــــــــــــــــــــــــــــــــــــــــــــــــــــــــ
والــحـــب الـثاني من على الحلق أو فوق = عـلى اللـسـان أصــبـح به وبــات فــوقـــــه
مـجـامـلات مـا لهــا فــعــل مـصــــــدوق = ولــســـان عكس الفعل ما هـي صدوقـــــــه
يشبه لخوطن غرس في حـوض مخروق = إذا مــلـــي بالــمــاء هــرب مــن خروقــــه
نــشـــــف بلا مـاء وأنـحـنا كـأنه الطـوق = طــــال الظــمــأ بـه واحـتمل فـوق طوقــــه
إن غـــاب ما أحد سأل أو تاق له تــــوق = بـل صــاحـــبـه يـمـكــن للـفـرقــا يـتـوقـــــه
مـثـل الـيـتـيـم بـبـيـت عـمـته مـدقـــــوق = يــبــل نــاشـــف لـقـمـته دم دقــوقــــــــــــه
بالـقـلـب مـوقـع ما يسع غــيــر مخـلوق = والـــحــــب الثاني تـصـنـعــات امخلوقــــــه
ثم إن حـبـل الكـــــذب مـا عـاد له سـوق = والــصــدق فــي تالي الزمن قام سوقــــــــه
وتقوم هـوشــات ومـطـالـيـب وحــقــوق = كــــلا ً مــن الــثـاني يــطــالب حـقـوقــــــــه
والغـالـب إنـه يـصـبح الـشـمل مــفـروق = وجـــهـــة نــظــرهـــم والقلوب امفروقــــــه
الله يــعــيــن اللـي دفــع طــاق مطبــوق = فــي قــلـب شــخـص اقـفــا بطاقة طبوقـــــه
حظه ردي مصفوق والرزق مــصفووق = مــا يــسـتــقــر حــالا ً كـثـيـره صـفـوقــــــه
ثوب الــغـنـى ماشـيـف له جيب مشقوق = وجـيـب ثـوب الـفـقـر ما كـثـر شـقـوقــــــــه
عيشه وعيشه بـيـنـها غـرب وشـــروق = وغــروب عــمــرك ما يـشابه شـروقـــــــــه
أحـسـن غــرايـر نـخــل ٍ أبـكـار وعذوق = وإلا مــعــاويـــد الـنـخـيـل بـعـذوقــــــــــــــه
هـذا وهـذا فـي الـهـــــوى الكل محروق = لــــــكـن كــلا ً يـخـتـلـف فـي حــروقــــــــــه
كــان الـسـبـب بـأثـنـيـنهم صاحب النوق = أهــمــل بــلا رعــيـان فـي الـبـر نــوقـــــــه
يا مـؤمــن اللي ما كـُتـب غـيـر ملحــوق = أعـــمـــل لـغــد وأترك هـواك ولحــوقـــــــه
الـــــمـــــوت حق ودرب للناس ممروق = قـــدّم لعـمـرك قـبل يمـرق مـروقـــــــــــــــه

للشاعر/ أبوهزاع
بـــــــــاني المعانــــــــي

ثوب الغنى ماشيف له جيب مشقـوق=وجيب ثوب الفقر مـا كثـر شقوقـه

صح لساانك

يابوهزاااع

وسلم بنانك

قصيدة ومعنى جميييييل جدااااااااااا

بارك الله فيك

ننتظرابدااااعك القااادم

لك تحياااتي

ابوهزاع صح السانك وبيض الله وجهك

قصيده جزله الله يعطيك العافيه

اخي الشاعر ابو هزاع
يعطيك العافية وبارك الله فيك
قصيد جزلة من جزل
تسلم الايادي
تحياتي وتقديري

اشكركم كلا ً من جريح الفرقا و عيسى العوفي وعبد الإله على متابعتكم الطيبه وبيض الله وجيهكم جميعا ً

يعطيك العافيه اخوي ابوهزاع


قصيده جـــــــــــــــــميله

أشكركم جميعا ً كلا ً من خيال الشمال و محمد حرب .
وصحت أبدانكم وما قصرتم الله يوفقكم.