(( بيتنا فشله )) سالفه وقصيده

السالفه:

لقيت واحد من خوياي متكدر خاطره وكان عايش قصّة حب علمني بها المهم قال لي تصدق يامنصور تقول ماتكلم صاحباتها يجون فالبيت عندها عشان مرره قديم ويفشل هي راضيه بحياتها ومبسوطه بس تقول ماازور صاحباتي عشان مايجون ويشوفون بيتنا ......فشدّني هالحكي بقد ما احزني واستآذنته انّي اسوي هالقصيده وتوصل لها وهنا اوصلها لكل من حست بهالشعور مع فائق المعزه والاحترام للجميع

القصيده:

(( الفقر ماهو عيب ))


قلــــبي معـك ويحــــس بك ياحليـــــمه
مكســــور خاطرك وعلى الله تشكيــن

وبيــــن المقــدّر والرضـــا والحــريـمه
فالبيـــت ذا تعيشين يعني تعيــــشيــن

كنب تقطّــــع فـــــوق فرشــــه قديـــمه
وجـــــدار فيه الـــــوان ماهي بلـــونين

دولآب لا واللّه شنـــــطـــه اليــــــمـــه
وثيــاب قصرت مـــارعت طــولة العين

عيـــــشه تحـــــزّن صح لكن كريـــــمه
بعيــــــد عنهم وسط هالبيــــت تنسين

لالا يضيــمــــونك وكـــــوني فهيــــمـه
وامشي مع اللي مـــاهي بأم وجهيــن

لاتسمحيـــــــن بذلتــــك ياعظيـــــــمه
صار الزمن ضــدّك على شــان تقوين

لاتنظـــــرين لفـــــوق غيـــــر بعزيمــه
ولاتفتحيــــــن يديـــــنك الّا بتدعيـــــن

عيشي قنـــــوعه بسمة رضاك سيمه
تقــــهـــر مـن اللّي وده انّك تحسيـــن

الفقـــــر ماهــــــو عيـــب والّا شتيــمه
والله ياللّي في بســــاطه بهــم ليـــن

العطــــف والطيــــبه ترى ياحكيـــــمه
مكسب من اوّل عمرك اللي تعيشــين

شـــــوفي حياتك كيــف فيها رحيــمه
و وش كثرهم شــوفي حبايب تعرفين

وفأهل البســـــاطه خفّة الدم غيـــــمه
يفــــرح بها ويحتاجها اهــل الملاييـن

تخيـــــلي في قصـــر واســـع مقيـــمه
كئيب محســـــــوده لوحـــدك تعـــانين

من فضل ربـــي فضـــــل ربي يديــــمه
جبت القــــــوافي لك رســـــاله وتبيين

ابيــك ماتقــــــولين كــــــانت ظليـــــمه
في عيــــشتك بلوى من الله لها حيـــن

يابنت واسمـك شــوفي اسمك حليمــه
صبـــــراً ودار الجنّـــــه لكـــل مسكيـن


فاصله:

متى بيذكرني الفرح...؟؟

لاتسمحيـــــــن بذلتــــك ياعظيـــــــمه
صار الزمن ضــدّك على شــان تقوين


صح لساااانك

مجافي

وبيض الله وجهك

قصيدة جميله جدااا

والفقرماهو عيب

وكم من اناس تمتلك الملايين ولكن ومع ذالك

حياته مثل مماته

يعطيك العااافيه

صح لسانك مجافي ...

رغم أنني لم أجد حس مجافي القوي بها ...

لربما لأنه لم يعايش الموقف ...

ولكنك تبقى مبدع مجافي ...

؛
؛
؛

أوركيدا ودعوة بالتوفيق لكَ مجافي ...

وتعقيبا على الموضوع حبيت اضيف عليه ها القصيده


يا الي تقول ان الفقر عيب رجال
هرجك ترى ما طاح راسي وهزه

وان كان بعض الناس يفخر با الاموال
حنا افتخرنا با الوفا و المعزه


صحيح فقران رفيعين منزال
وكلن يسابق للعلم من يرزه


ومن طبعنا نكرم ولو ما به ريال
وتلقى المراجل عندنا كل حزه


اليا لفانا الضيف له فال و عقال
ويلقى مع الترحيب طيب و فزه


يوم ان بعض الناس تاجر ولا طال
من العلوم الطايله كبر رزه

قال المراجل نسفة اشماغ و اعقال
ما همه الا قولة افلان رزه


وحنا لك الله نبذل المال والحال
وارجالنا كل ن غدا الطيب رمزه


مهما تقول ان الفقر عيب رجال
فقير حال مغتني با المعزه

صٍْحٍّ لسٌِِّآنْكَ وٍسٌِِّلمً بٌَِنْآنْكَ

قٌٍصٍْيَدًٍة رٌٍوٍعًٍهٍَ بٌَِرٌٍوٍعًٍة حٍّضًٍوٍرٌٍكَ

دًٍمًتُِِِّْ بٌَِخٌِيَرٌٍ

عيسى العوفي
ياهلا وغلا بشاعرنا المبدع والف شكر على هالطله الحلوه

لمعة الجليد
ياهلا وغلا
وكلامك صحيح يمكن عشان كانت سريعه وماني متعود اكتب قصايد في غير نطاق الحب والا ماهي سالفة اني ماعشت هالاحساس بالعكس طفولتي كانت حزينه والجنه عندي الاحياء الشعبيه عشان كذا اموت في مسلسل سنوات الضياع التركي واحب الدور اللي يمثله يحيى ان شاء الله القادم احلى

هلا وغلا
احساس ليل
وربي يعطيك العافيه قصيده حلوه وتذوق احلى

الصقر الجارح
الله يعافيك اخوي والف شكر على المرور الكريم
تقبل اجمل تحياتي

	المشاركة الأصلية كتبت بواسطة مجافي

	لمعة الجليد ياهلا وغلا وكلامك صحيح يمكن عشان كانت سريعه وماني متعود اكتب قصايد في غير نطاق الحب ان شاء الله والا ماهي سالفة اني ماعشت هالاحساس بالعكس طفولتي كانت حزينه والجنه عندي الاحياء الشعبيه عشان كذا اموت في مسلسل سنوات الضياع التركي واحب الدور اللي يمثله يحيى ان شاء الله القادم احلى

يادي سنوات الضياع اللي مااحد مايذكره

صغير وكبير ...

بس بصراحة صدقت دور يحي جداً رائع ...

رغم ان المسلسل زودها شوي صار يمطط فيه الين

مل المشاهد منه ...