سلام والمبتداء نبداه تسليمه

السلام عليكم ورحمة الله وبركاته
اهدي الجميع هذه الكلمات المتواضعه راجيا من الله العلي التقدير ان اوفق بها وتحوز على استحسان الجميع

سلام والمبتداء نبداه تسليمه=تسليمةٍ عند واجبها لها قيمه
اهتديتها لاهل التقدير والشيمه=والعز للي نهج منهج رسول الله
وتحيةٍ عطرت فالورد نهديها =للمملكه حاضرتها مع بواديها
ذي مهبط الوحي فالارواح نفديها=والعز للي نهج منهج رسول الله
من بعدها ياهل التوحيد والطاعه =به مطمعه تغري الطماع فطماعه
هبو لها قبل تاقف عقرب الساعه=والعز للي نهج منهج رسول الله
الخمس ياطيبهن لااحدٍ يخليهن=واللي يجن قبلهن واللي بتاليهن
مايغبط إلا سنافيٍ يحاضيهن=والعز للي نهج منهج رسول الله
زكاة الاموال يالوافين مطلوبه=للي نصابه وجب اده لمندوبه
زكه ويزكا بعد ماديت ماجوبه=والعز للي نهج منهج رسول الله
الصدق فيه النجاه الصدق ياطيبه=والثاني ايقول راع العرف ماليبه
نغليك ياللي كلام الصدق تحريبه=والعز للي نهج منهج رسول الله
كلٍ دراء ويش وصابه رسول الله=بمكارم الخلق وصا ياعباد الله
وهايبن وسعة مابين خلق الله=والطيبه من نصيب اللي يسويها
اوصاك تخفض بجنحانك إلشيبانك=ابوك وامٍ رضت فالسهر منشانك
واللي تسويه به تجزاك بزرانك=والطيبه من نصيب اللي يسويها
الجار حثه على الاحسان مع جاره =لابد مايذكره لاشد لدياره
واضرب مثل فالبلالي وافي اشباره=دخيل اسواته قليل اللي يسويها
وتبقاء الامانه من الوافين مطلوبه=اوجيه اهلها عن النيران محجوبه
واللي مقصر يجود بصادق التوبه=والطيبه من نصيب اللي يسويها
النيه الطيبه من حظ راعيها=ماهي بضاعه من الاسواق نشريها
والناس مثل الاصابع مانساويها=والطيبه من نصيب اللي يسويها
ولينا ماله إلا السمع والطاعه= يامر وحنا وألم لادقة الساعه
ولهرجة المبغضه مالاذن سماعه=والطيبه من نصيب اللي يسويها
المملكه كلنا نموت لفداها= حربة نحر ساطيه للي تحداها
اللي على سنة المحمود ممشاها=العز للي نهج منهج رسول الله

مضحي بن جمران
صح لسانك على هذه القصيدة
و بانتظار جديدكـ

	المشاركة الأصلية كتبت بواسطة حميدان العوفي

	مضحي بن جمران صح لسانك على هذه القصيدة و بانتظار جديدكـ

صح بدنك يابو ناصر لاهنت وابشر بعزك غالي والطلب لعينك ولعيون حرب يرخص سلمت ودمت وشكرا جزيل ياعزيزي

	المشاركة الأصلية كتبت بواسطة مضحي بن جمران

	النيه الطيبه من حظ راعيها=ماهي بضاعه من الاسواق نشريها والناس مثل الاصابع مانساويها=والطيبه من نصيب اللي يسويها

صح لسانكْ أستاذي .. وسلمتْ يمينك.. وعلا شانكْ ...

؛
؛
؛

أوركيدا صباحية ... لكَ ولقافيتكَ ...

	المشاركة الأصلية كتبت بواسطة لمعة الجليد

	صح لسانكْ أستاذي .. وسلمتْ يمينك.. وعلا شانكْ ... ؛ ؛ ؛ أوركيدا صباحية ... لكَ ولقافيتكَ ...

صح بدنكي يالمعة الجليد وسلمتي ودمتي يانجمتنا المتوهجه لاهنتي في كل زمان وفي كل مكان والله اوركيدا معرفتي لها معرفت وجه بس والوكاد انها طيبه يالمعه الله يعافيكي والشر مايجيكي وتقبلي مني كل التقدير والاحترام

اخي مضحي

صح لسانك وسلم بنانك

قصيده رائعه بروعة شاعرها

الله يعطيك الف عافيه

لك كل التقدير

	المشاركة الأصلية كتبت بواسطة ابو عادل

	اخي مضحي صح لسانك وسلم بنانك قصيده رائعه بروعة شاعرها الله يعطيك الف عافيه لك كل التقدير

صح بدنك وسلمت ودمت يابو عادل والاروع والاجزل تواجدك وتواجد كل جزل شرواك يملك الذائقه المميزه والله يعافيك ياعزيزي والشر مايجيك لاهنت ولك مني فايق الموده والاحترام يانشمي

صح لسانك يامضحي بن جمران

ويشهد الله من الشعار اللي يعجبي بجزالته وتركيبه للبيت

لو ماني شاعر لكن متذوق للشعر الجزل

مضحي جمران

صح لسانك يامضحي قصيده شامخه من شاعر لايشق له غبار

تقبل مروري واعجابي

صح السانك وبيض الله وجهك