مشاريه الغلا ( قصـــيده )

	المشاركة الأصلية كتبت بواسطة علي هليل الحربي

	ذابت مشاريه الغلا وسط الاعماق = واستيسر الحزن الخفي كل معلوق والعبره اللي تحترق بين الاحداق = ماضنها ترخص على كل مخلوق ماترخص إلا للذي حبهم فاق = دم العروق بعالمٍ كله عقوق من بعدهم مني خذا الحزن ميثاق = ما تنزل العبره على فقد معشوق واليوم لا تاقف ولاهيب تنساق = تسرح وتضوي بين الاعماق والموق ما ودي اذرفها على وجه الاطلاق = لو قيل لى من همها منت معتوق ولولاي اترجمها على بيض الاوراق = ما صار لي في غيهب اليم دانوق دانوق يجذب لي طويلات الاعناق = لعلي القى بينهن شيٍ يلوق شيٍ يلوق بذوق عالين الاذواق = ويضيف لاهل الذوق ذوقٍ على ذوق تعبير من قلبه شفوقٍ و مشتاق = ومنزهٍ عن ملة الغدر والبوق في عالمٍ ماضاع به غير الاخلاق = وتموت فيه حقوق وحقوق وحقوق واللي لبس نوط الوفى خاطره ضاق = كن الوفى في عالم اليوم ممحوق كونٍ غزاه الكذب من كل الافاق = واسكت بصوت المصلحه كل منطوق واخر عزاي يعوضني بعض الارفاق = وإن خاب بعض الظن شحت النظر فوق ودعيت ربٍ للمخاليق رزاق = يجعلي بأمره كل مطرود ملحوق

الشاعر علي هليل حاولت أني أقتبس بيت أو بيتين لأضعها في الرد فعجزت
لذاالك أقتبست القصيده كامله وكل ذالك بسبب جزالتها وقوتها اللا متناهيه صح السانك مليون وسلم بنانك على أتحافك لنا
،،،،،
،،،
،،
،
تقبل أحترامي ومروري