الا ياوجـــــــــــــــــــــــــــــــد حالي,,,

السلام عليكم ورحمة الله وبركاته
احبتي الكرام اسعد الله اوقاتكم
اليكم هذا النص الذي اتمنى ان ينال
ولو على اليسير من اعجابكم واستحسانكم

ألا ياوجد حالي وجد من كثر السفر اعياه=على من غاب عن عيني وأنا مدري وش أحواله
أبي وصله وابي قربه وأنا مازلت في رجواه= لكن البعد حاديني وحالي منه يرثا له
شقاويه عيون اللي حبيبه غايبٍ ماجاه =مغير اتهل دمعاتٍ من الأحداق هماله
بعيد وغابت اخباره وأنا مشتاقٍ القياه= كثر شوق السجين اللي قريبه فكّة احباله
بعد عن عيني لاكنه في بالي باقيه ذكراه=ولو مرت على اغيابه سنينٍ ماني إبداله
قضى وياي خمس أعوام ألا ياكيف أنا بنساه=وأنا وشلون ابنسى من يغيب الحزن بوصاله
خفيف الدم رزين العقل وكن البدر هو محياه=تفرد بالحلا خلي تفرد به له الحاله
أنا أهواه وأحبه وأنا أحبه وأنا أهواه=وهواه اصبح معا دمي ومجرى الدم مجراله
أحبه حب لايوصف حبٍ صادقٍ معناه=وأنا وشلون ماحبه وربي مكمّل اخصاله
لكن اليوم فغيابه حياتي أصبحت مأساه=رحل منها الفرح والحزن فيها صار منزاله
تربع فوق عرش القلب وصارت طايله يمناه=وكل ليله يجهز لي من اللي يخطر اباله
أسى وهموم وأوجاعٍ توالت من عقب فرقاه=ألا يالله تلطف بي ولا لي غيرك الجاله

[/poem]
وسلااامتكم.[/poem]..[/align]