شاعر الخليج ومطلق الثبيتي

مطـلق:=
ابا اتعبك ياصياف وارتاح يامستور=واهز السحيمي لين يهتز ميزانه
ولا ابغاه يبقى ضابط فاول الطابور=وميدان فيه الحرب ماهو بميدانه
صـــــــــياف:=
انا في عذابك يالثبيتي سنة وشهور=ولكن الدهر يضرب براسه وكرعانه
اشوفك تغني بالمسارح وأنا مقهور=ياليت المغني في يدي واقطع لسانه
مطـــلق:=
إلي بيرقٍ عالي وطول الدهر منصور=وانا ماشريت البندق إلا على شانه
ليا شفت لي واحد عوج صنعة الباكور=اخلّيه يجلس مع حريمه وورعانه
صـــــــــياف:=
أنا عارف انّك تحمل البيرق المعمور=ولكن إلى ذا الحين يطلبك ديانه
ترانا ليا جينا الجبل ماتطير اطيور=ياغار الطوار (1) اللي يرفرف بجنحانه
مطـــلق:=
أخلّيه فالمينا واسافر على البابور=أبو عكة ماهي من السمن مليانه
يدور الفلك لين الليالي عليك ادّور =ويطلع لك الفارس بشلفاه وحصانه
صـــــــــياف:=
على نيّتك تمشي يامنهي ويامامور=ويالطرقي العجلان الايام عجلانه
أنا عارف إنك عقرب مَدَت الدنقور=تدوّر على المسلم تبي مسك لحيانه
مطـــلق:=
عسى الله يقطع شوفت الذيب ابو حنجور=عيونه لها مدة من الدمع غرقانه
لياليك ماهي كلهنه فرح وسرور=تدور الليالي فوق ضينك ورعيانه
صـــــــــياف:=
لو إنك غريب بلا وطن قلت لك ماجور=لكنّك سعودي عند ورده وريحانه
ألا ياكثر ماتهرج الناس ظلم وزور=يسبّون فالتاجر على شان دكانه

(1)الطوار:تصغير طير,والمقصود الطوير,ولكن هذه لهجة بعض قبائل الحجاز حيث يقلبون الياء الفاً في بعض الالفاظ,ومثلها كلمة:غير في اول هذا الشطر, حيث جعلها الشاعر:غار!

مشرفنا الغالي
حمود الغيداني
سلمت يمينك على النقل الرائع ... و الاختيار المــوفق
محاورة شيقه و جميله و قوية و الكثير لايفهم مايدور بين هالشاعرين من معاني
رحمة الله عليهما

مشرفنا القدير حمود الغيداني
بارك الله فيك
وسلمت يمينك على النقل الرائع .

سلمت يمينك على النقل الرائع

تشرفت بمروركم الرائع



لاهنتم

بيض الله وجك يالغالي ..,

بيض الله وجهك على النقل

ورحم الله شاعر الخليج صياف الحربي
ومطلق الثبيتي

الله يـعـطـيـك الـعـافيـــــــــــة
بيض الله وجهك