أبطى الحمــام ينــوح

صح لسانك ثم صح لسانك وتعلى شانك

اشهد انك جزل


لاهنت يالقرم

تحياتي وتقديري

	المشاركة الأصلية كتبت بواسطة أحمد بن ناحل

	السلام عليكم ورحمة الله وبركاته أسعــد الله أوقاتكم جميعًا يــا صــــاح أبطى الحــمــام يــنــوح مافارق الدوح=قبل شـــروق الشـمـس والشوف منباح وأنا برجــاي وخـــايف لأعــلـــن البوح=متى على الله ضــيــقــة الـصــدر تنزاح دام الخــبر مـطــروح والــدرس مشروح=والمقـــطـع أبيض كيف ومنين أبرتاح صـفـر الــدلال الحـاضـيـة هـيـلـها يفوح=هي كيف مرسول ن لي أقسم بالانصاح قلت اهـتــد بــســبل الهدا وأبعد الشوح=البـــيـت لـه بــابــــه ولـلــبـــاب مفـتاح لا تعــتــزي قــبل آدم بــجـــدنــا نــوح=احـرص تـرى الواحـد وعـشـرين رجاح راع الوفـــاء والـطــيـب ماهو بمسنوح= ولا الــردي خـلـه عـن الــدرب مــسناح جــال الـصــريــة مــيـت(ن) فيه ذرنوح=وجال الـنــهر به عايش(ن) غصن تفاح ياوجـد حــالي وجــد من جـاذب النوح= أهــدف عـلــيـه الـمــوت نـزاع الأرواح في وسط طرشه طــاح بالغدر مطروح=بـيـن الـتـــراقـــي صــوبــه رمـح ذبـاح وصــيــته بـثــراه والـــدم مــســـفــوح=فيــهـا لـســانــه لا تـعــبـــَر و لاصـــاح تحـشـرجـت روح وطلع صوت مبحوح=واسـتـنـجــد بســبابـتـه وانـثـنـى وطاح له لابة(ن) تــشـدى لســالـم ومـسروح=ما ينـتــظـر واحــدهم صــيــاح ونـكـاح من شــبــة الـشـبــان لأفعـالـهم ضوح=يــضـوي ســناه اللـــيـل الأظــلـم ليا لاح وجدي علــى اللــي لـوتـعذر بمصلوح=دعيــت لـه فـي مـا نـــوى زود الأفــراح ياصاح بالجفوة ترى ماانت مسموح=جد لي بـنـصـف كـفـوف سالفـك ياصاح لولا الغــلا اللي شـيـد بجوفي صروح=واللــي خـلــقــنـي ما اتـرجــاك بإلحاح ياروح،روح الروح,ماترخص الروح=إلا لأغـلـى وأنـتـه أغـــلـــى بــمـسـراح عليك صـبـري ما سـتـر كل مفــضوح=لوقـلـت مـا هــو كـل الأحــــوال دمــاح تغـازلن لحــظة،،، وأنا دمعــتي بوح=البـــيـر قـال الـســر والـراعـــبـــي ناح وهليـــتها مـدري على ويــن أباروح=محـــاجـــري سبـًاح والشـــوف منـباح (تم نشرها بمجلة الوجد العدد الحالي) وتقبلوا تحيات أخوكم / أحـمـد بن نـاحـل

قصيدتك كفو وانت نوماس وعلمك غانم

صح لسانك وانا اخوك على هلقصيدة الأكثر من رائعة

من شاعر جزل ومتمكن ..

شكرا ً لك من الأعماق على هذا الحضور وهذا الابداع

وتقبل خالص تحياتي وتقديري

ياسلام ياسلام على الشعر الاصيل

بيض الله وجهك وصح لسانك

احمد بن ناحل شاعر مبدع ومتمكن
جزل المعاني عذب الحروف

الله يعطيك العافيه

ودمت رائعا

	المشاركة الأصلية كتبت بواسطة بواردي حرب

	صح لسانك يابن ناحل قصيده جزله وفي غاية الجمال والله يعطيك العافيه

بواردي حرب

صح بدنك ولاهنت

شكرا على طيب المرور

تحياتي لك

	المشاركة الأصلية كتبت بواسطة حمود الجابري

	وعليكم السلام ورحمة الله وبركاته الشاعر احمد بن ناحل صح لسانك مــــــليــــــون وبيض الله وجهك على هذه الدره الرائعه

حمود الجابري

صح بدنك أكثر ولاهنت

شكرا على طيب المرور والاطراء

تحياتي لك

	المشاركة الأصلية كتبت بواسطة سالم الفريدي

	صح لسانك دائماً جزل يالنشمي تقبل تحياتي

سالم الفريدي

صح بدنك ولاهنت

تحياتي لك

	المشاركة الأصلية كتبت بواسطة منصورالمعمري

	مساءك سكر : أبو متعب : هنيئا للوجد بها . . وحقيقة مالك داعي . . كيف ماعلمتني بها . . !! الوعد باكر يابعدي .. !!

أبوثامر
مساءك عسل
وجود إسمك إضافة كبيرة للمتصفح

شكرا على هذا التشريف

تحياتي لك

احمد الناحل



صح اللسانك على القصيده الجزله
تقبل تحياتي