تركد عليها البروق وحنة الراعد

عسى عنيزه وماكفت طوارفها = تركد عليها البروق وحنة الراعـــد
بأول دخول الوسم تسكن عواصفها = وخمسين ليله مابين القشع والشاهد
لوكنت في تالي الايام عايفـــها = كثرت علي الطواري والفكر شارد
تعبت مليت من عوجٍ نصادفها = وحض الدويني وقف وانا اخبره قاعد
النفس صعب التحكم في عواطفها = متى على يبين العضد والساعد
اللي على شدادها ماهو بردايفها = رمز المروه ونار الحسد للحاسد
ياصاحبي تكحل عيونك وتطرفها = ياليت شكله بوسط المملكه واجد
ترى الجمايل مع أردى الناس واضعفها = لطالته بالمساء يصبح لها جاحد
وان كان تقدر تلحنها وتعزفها = انا ارضي المستمع واقنـّع النا قد
وافرق الجن واجمعها واصرفها = واحط الاهداف بين الحار والبارد
وجنيتك والله اني غير احلفها = والله مافكها لين انها تعاهـــــد
حث الشركات والاقوم واقـصفها = الا الصفاء يالبيب افرش لها الجاعد
نفذ طلباتها مادمت خايفها = بين الشركات ترى الوضع متباعد
اللي تسلفك وقت الضيق سلفها = لاتتبع اللي تحلف اديان وتواعد
النفس ماالله وراء الطاقه مكلفها = لاتطلب الشي من مخلوق له فاقد
الذيب يفرس من المرعى مطرفها = والا الثعل مستوي بالراس والشاهد
اصحابنا لك ثلاث سنين مصلفها = حطيت محمود يالضالم على حامد
واحد يدينه كثيرالدين كتفها = هذا خطاب مصدر به وذا وارد
وقد قيل من كبر اللقمه يقذفها = دمه تنثر من الحجام والفاصد
واحد يبي ديرةٍ قلبه موالفها = مطلاع شمس الشتاء عنها قصرمارد
المملكه مايتريح في مصايفها = لوكل ماتشتهيه النفس متواجد
واحد يبي خوة الطيب ويعرفها = لكن ظروفه على السجات ماتساعد
واحد بمكه عسى ربي يشرفها = يطوف بين الحجيج ويسرق الراقد
ناسٍ يصلي بها وناسٍ يطوفها = نوبٍ يصبح بها ونوبٍ لها هاجد
لوشافله عبدةٍ سوداء بشرشفها = ضاري بفك الكمر ماهو ب متراعد
ويسهم كما الذيب لامنه تلغفها = وعند الجماعه سوات العابد الزاهد
لغابو اذّن ونبراته يلطفها = وصلى بهم بالتأني راكع وساجد
وقام المهفه على اللحيه يهفهفها = ويستعرض لخطة المستقبل الواعد
واحد ماتقضي سواليفٍ يسولفها = ماغير يقرق على العربان ويهابد
نفسه بوقت السعه مااحدٍ يكيفها = وقت المحاضر شف النازل من الصاعد

صح لسانك يالذيب

.. ولاهنت

نص راقي ..و عذب المعاني .. !

سلمت مشاعرك ..

دمت بـ إبداعك

وحيد الجزيرة

صح الله السانك


قصيدة عانقة السماء بجزالتها وأبداعها

تحياتي لك

الاخ

سلمان البدر

صح لسانك و سلمت على هذه الدررر

الشاعر المبدع
سلمان البدر
صح لسااااااااااااااااااااااانك
قصيده جزله ووافيه
بيض الله وجهك على هذه الرائعه
في محبوبتي مدينه عنيزه
قصيده رائعه بروعه حضورك
و عسى عمرك طويل
وننتظر ابداعاتك الشعريه

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

,
,
,
صح لسانك وسلم بنانك

قصيدة وافيه من وافي

بيض الله وجهك يالذيب

اتمنى لك التوفيق

اخيك ابو فياض النويمي

صح لسانك
..
..
أسجل اعجابي بالقصيدة
..
ويعطيك العافيه ..

ابو بدر



صح السانك



وسلمت ياطيب

ولاهنت على هذا العطا السخي

صح لسانك ياسلمان قصيده جميله جدا0
بانتظار جديدك0وبعدين وين رد الرساله0