الرفيق

ضاقت على الصدر الوسيع الى من اول مايضيق=لاكن ربي يبعد الضيقة وكل اسبابها
لان الرفيق الى حسبتة في ضروفي لي رفيق= مكالماتة طولت عني وزاد غيابها
كنت احسبنة صاحباً حتى بزفيري والشهيق= يحس بنفاسي اذا ضاقت علي ارحابها
لاكن عرفنا جلسة الدلة وكاسات البريق=تجيب صحبة بالقساء ماينمسك مقضابها
كنت انتظرة وكنت احسب الحبل بالرفقة وثيق=لامابدتلي شارةً ماكنت احسب احسابها
روح مراح الحر لافكوة للصيدة طليق = عصريتاً والشمس يامقرب حلول اغيابها
يبي يحول الليل من دونه ولا حوله طريق=من دونه حدود الدول ومقفلين ابوابها
اتابعة بالذبذبة واغيب اشوية وافيق=واقول ماخبر الصقور تكب يوم اصحابها
بس المهم الياس خيم وابتداء الهم العميق=وجلست في وسط الهموم اكتبها واقرابها
الله يعينك يالوحيد الى تصارعلك فريق= وقتك اسود قدم وجهك شاهرات انيابها
ماعاد به كلمة شهم ماعاد به كلمه صديق= كلن يغل الكف خوف من الفقر يبدابها
لاكن ماالله حمل الانسان شي مايطيق= والمرجلة ظني ماسكر عند اهلها بابها

تقبلوا تحيات اخوكم فليح الهابس

أبدعت يالشاعر

صح لسانك ... بوووح راقي

دمت ودام نبض قلمك

فليح بن هابس

صح لسانك و بيض الله وجهك
على هذه الدرر

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح لسانك يافليح الهابس وتسلم على الطرح الجميل

صح السانك


الله يعطيك العافيه على القصيدة الرائعه والجزله

اخوي الغالي
الشاعر المبدع
فليح بن هابس
صح لسانك يالذيب
قصيده جزله
بيض الله وجهك
ونتظر جديدك

ومن قال سالم و غانم

صح الله لسانك

قصيدة رائعه بحق

تحياتي

اخوك

صح لسانك على الابداع الراقي وتقبل مروري