ديـوان الشاعر / نفاع محمد السهلي ابوفـــرح

!!!

!!

!

سكوتنا عنك ماهو .. ضعف = عندي للأقوال برهاني
لاتحدنا للقسى والعنف = وتصبح على نفسك الجاني

سلام يااهل البيوت اللي = سيسانها من ذهب والماس
بنيانها دوم متعلي = وسكانها من اعز الناس

ياقلوووووووب
,
,

ياقلوب فيها الوداد مقيـم = ارواحنـا ليـه نشقيـهـا
نبحر بها فالهـوا ونهيـم = وتصبح على جروح تدميها

في نظم الأقوال .. لاتعجل = اصبر ولو طالت المـده
لابدهـا ماتجـي اجمـل = وتنال الاعجاب وبشـده

طيب النبا مدهل الوافين= اللي كما الضلع مرتزه
يبقا معاهم ليوم الدين = ورياح الايام ماتهزه

ادمى غصون الزهر قيدك
.
.

ادمى غصون الزهر قيدك = وخط الألم .. للأمل حرفين
قال الصبر زاد مايفيدك = ارحل وكفكف دموع العين

تــــــــــأمـــلـــي
.
.

تأملـي يـا .. بقايانـا = احلامنا كيـف هدوهـا
وارواحنا كيف ولهانـا = حسره على ايام نسيوها
حتـى زوايـا هدايانـا = مروا ولاكـن شافوهـا
صعبه لمن عاش دنيانا = ينسى مواثيق خانوهـا

مع الشاعر القدير على عيد البشري
.
.
.

ابوفـــرح

اعداد مافالمـزون يـرف = براقهـا مـع مخايلـهـا
سلام وانته من اهل العرف = اللـي تنومـس فعايلهـا
ياصاحبي ماغفالي طـرف = من يـوم شفنـا دلايلهـا
هي المحبه مثايل حـرف = والا خفـيّـه رسايلـهـا

.
.

على عيد البشري

اعـداد ماثـورت مـن زرف = واعـداد مـاسـال سايلـهـا
ترحيب غالي ثمين الصـرف = يامـن صداقـتـك شايلـهـا
منها أشتكى قيس اصعب ظرف = وعنتر بكـى مـن هوايلهـا
اصل المحبـه سلايـل تـرف = فالـذات تكـمـن سلايلـهـا

فنجال رقه وحنيه
,
,

يامن لقلب المولع سقت = فنجـال رقـه وحنيـه
انته لذيك الليالي اشتقت = والا نوايـاك مخفـيـه

مع الشاعر القدير حرب
.
.

أبــــوفـــــرح=
جيتك جبل في حشاه النار = انظم حروفـي واغنيهـا
سلام وانته نسل احـرار = دارك على العـز بانيهـا
استوحشت فالعقول افكار = تطحن رحاة الزمن فيهـا
عاشت غريبه فوسط الدار = والـدار قفـوا اهاليهـا
حــــــــــرب =
ماتهون ياعالي المقـدار = حيث انت من ناس نغليها
ترحيب يالشهم يالهـودار = راقت حروفـك لقاريهـا
الوضع هذا غريب اطوار = ياللي لنا الحـال شاكيهـا
محتار وآنا معك محتـار = لكن عسـى الله يسويهـا