طرح الشبك((مجاراة قصيدة المحايد))

أتـوب وتتـوب يدينـي ويبـقـى فـمـي=أحلفـه مايقـول ... ولايطيـع ... ويقـول
يرمي ليا زان لـه مرمـى الهـدف للرمـي=ويصيـب لاوفقـه ربـه ويلـقـى قـبـول
كله علشـان بنـت(ن) ماخطبهـا عجمـي=بنت الحسب والنسب والأصل غير الأصـول
شاشت لعود(ن) ماهو صوفـي ولامكرمـي=مسلم وسنـي ولـه هيبـه بوقـت الذلـول
لكن بعد راح ! منهو عـن حماهـا يحمـي؟=كل(ن) طمع بالحمى والقرب حتـى الخبـول
ياصاحبي لابكت قـول: أسمعـي وأعلمـي=ذي سنـة الله بخلقـه والمصاعـب تـزول
لـو الأسامـي فريـده مالقيـنـا سـمـي=ولاشفت لك زول مـن شكلـه ثلاثيـن زول
ياصاحبي . سرهـا بيـن العظـم ولحمـي=أجمـل جميلـه ولـو ماتلبـس إلا همـول
أدري تبا تقول لي: بعض السوااااااااالف عمي=وأقول لـك صـح . وأنـا محلفـه لايقـول

صح لسان الشاعر المبدع / المحايد
وهذه مجاراتي لقصيدته

لا واعذابي من اللي كل ما اورق ضمي=لمعرَض العاشق لشذرة شطيرالذهول
ياطيف روحٍ تعدى هاجسي لقلمي=يا نو صبحٍ تنفس مع رذاذ الهطول
اسقى هشيم المحل هتَانه الموسمي=واحيا غرامٍ بتفكيري يصول ويجول
يغرورق الجفن ولاَ عل ماه يهمي=ما يرخص إلاَ لعين العيطموس البتول
يا عين حرٍ وحش طرح الشبك صيرمي=ناش المعاليق مخلابه طلوع ونزول
تستنزف جروح قلبي روعة المنتمي=للوافيه والسموئل باقيٍ له سمول
جاريت سحر البيان وصغت نزف الدمي=من هاجسٍ شاش واعرفه يقول ويطول

صح الله السانك


قصيدة عانقة السماء بجزالتها وأبداعها ومجاراتها

تحياتي لك

--------------------------------------------------------------------------------

صح الله السانك


قصيدة عانقة السماء بجزالتها وأبداعها ومجاراتها

تحياتي لك

والمعذره صلب عندي الجهاز هذي ثاني الرد مدري لو مايطلع صح

	صح لسانك مليون على القصيده والله يـعـطـيـك الـعـافيـــــــــــة يابومشعل بيض الله وجهك

الله الله عليك

صح لسانك


قصيده رائعه وتستحق الاعجاب من شاعر متمكن


لاهنت


تقبل تحياتي

صح الله لسانك وبيض الله وجهك

مافيها كلام وافيه من وافي



تحياتي

	المشاركة الأصلية كتبت بواسطة فيصل حمود الوافي

	صح الله السانك قصيدة عانقة السماء بجزالتها وأبداعها ومجاراتها تحياتي لك

الأخ العزيز/ فيصل حمود الوافي

صح بدنك وسلمت من كل شر

شهاده اعتز بها ووسام على صدري

تحيتي وتقديري

لك

ابو مشعل
صح لسانك على هذه المجاراة الجزلة
وصح لسان الشاعر القدير/ المحايد

كفوا يابو مشعل وماقصرت بلفعل قصيده جزله



تحياتــــــ يابو مشعل ـــــــــــــــــــــــــــــــــــــي

	المشاركة الأصلية كتبت بواسطة غازي الزغيبي

	-------------------------------------------------------------------------------- صح الله السانك قصيدة عانقة السماء بجزالتها وأبداعها ومجاراتها تحياتي لك والمعذره صلب عندي الجهاز هذي ثاني الرد مدري لو مايطلع صح

الشاعر العملاق ابو طلال

صح بدنك وتسلم على المرور والإطلاع والإشاده

تحيتي وتقديري لك