يارجانا .. ياولي مهر الخلود ×× سايقين العقد من روس الحداد

يا الله إنّا بك يارب الوجود=لا ملاذ ألا أنت لاعم الفساد
أقْبَلوا خُطَّاب جنات الخلود=شايلين مهور من فوق الحداد
صادرين الوِرْد من حُمْر العدود=سايقين الجازية من قوم عاد
قاصدين العدل حضَّرْنا الشهود=نطلب التأمين من رب العباد
صادقين نلح .. يالله بالرعود=عارضة من غيث هدام العناد
تَنقله ملواح صَرْصَر لليهود=بالثَّمان الدُّبْر والسَّبْع الشداد
جاك مكر الله ياحَيْمَِر ثمود=حجة الرَّجاف غاشيها السواد
ما نباري نذل خوَّان العهود=والجدايل ما تلقَّح ياكداد
ياصلاح الدين دان الحكم سود=لا يعوث ابليس في يوم التناد
ماورثنا .. كود ترسيم الحدود=الكرامة ذل .. والظلم استباد
فرِّقونا كره .. عودٍ بعد عود=وجمَّعوْنا كذب .. صادق لا معاد
الله أكبر ياشراذم قوم هود=وياعصابة داهنت ذات العماد
من يداهن بوش ينعم بالرقود=والكما.. ياحيلة الله في سهاد
إن نصِينا رأس صدَّرْها ورود=وإن قِطَعْنا ذيل ميَّل بالشداد
يا أسير المال حلحل بالشدود=من شقاه الجود ياذا المال جاد
ليه ميت حي في وسط النفود=خاير الرجلين في جرداء مهاد
من بنود العقد في صك العنود=من غزير الدم تأخذ له مداد
يا بلاد العز ..والله لك جنود=مع حماة الدين نفهق في الزناد
من يروم المجد ينصاها سنود=ولا يذوق النوم من يطلب سداد
وفي ختام القول صلوا يافهود=صلوا على نور تقدم بالجهاد

صح لسانك اخوي

و احنا في انتظار مثيلات لها

دمت في حفظ الرحمن

مِــدادكَـ .. غـشـاهـا .. الـ صـدق ..


وأحـاطـهـا .. الـ نـقــاء !!


صـ لسـانـكـ ـح ..

صح لسااااااانك لاهنت على هالروعه

قصيده رائعه

صح لسانك
قصيده جزله من جزل
لاهنت بيض الله وجهك

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

	صح لسانك لاهنت بيض الله وجهك سلم فكرك جزله من جزل

اللهم صلي وسلم على نبياً محمد


صح بدنك اخوي لافي دايم تحلق في سماء الأبداع


صح لسانك على القصيدة الجزلة والرائعه من شاعرً عودنا على هذا الأبداع

بيض الله وجهك يالافي


قصيدة حقيقة في وقتها


لك خااااااااالص التقدير

صح لسانك

.. ولاهنتِ

نص راقي ..و عذب المعاني .. !

سلمتِ مشاعرك ..

دمتِ بـ إبداعك

راعي الحناكيه