قصيدتي في حفل قبيلة حرب بالكويت

مـرحبا ترحيبةٍ بأســم القبيلة بالقبيلـة=عـد ماتكتب سجلات الصحايف والرسايــل
وعـد ماساقت ذعاذيع الــهواء نو المــخيلـــة=وعــد مابان الزهر بالروض واطراف المســايل
مــرحبا بشيوخ حرب اهـل المقامات الجلــيلة=مـــن فضاء طور الحجاز ليالكويت وطور حايـــــل
قــادةً للربعتين ولايحـوشون الفشيلــــــــــــة=المـــبادي سامية والدين محمود الفضـــــــايل
مــرحبا فيهم بحــفلٍ كـل حربي ينتمي لــــه=جامعٍ للعزوتين وشامـــلاً كل القــــــــبايل
والله يحــيي جــميع الحاضرين ومن يجيلــه=بأسم حرب آقف وحيي بالجميع مـن الحمـــايل
لابـةٍ فـي فعلها وبــقدرها دايم ثقيـــــــــــلة=ولايجــوز المــدح في فـعل الرجال بــــلا دلايـــــــل
والــدلايل سابـقة والصـدق معـروفٍ سبــيلة=والمراجل ماتجي بالـــهرج ودروب التحــــايل
والمـنابر تشــرح التاريخ وتــبين حصيـــله=والصحايف تحتفظ بالسابقات من الفعايــــــــــــــــــل
فـي ثـرى شبه الجزيرة كـل شعبٍ له فضيلة=والمواقـف تختلف بالمعجزات وبالجمايل
والثلاث البيض هـن فرق النشاما والوسيلة=ومـن جهلن راح مالــه مع هـل القمة عقــــايل
كد ذكرهن تركي ابن حميد قبل يموت جيله=باقياتٍ للرجال وعامـــــــراتٍ بالنفايل
ومتعب الديري بجمع الشمل ماننسى جميـله=عـادةٍ لـه مــــن قديم الوقت محمود الخصـــايل
وكان ميزان الامانة ميزه عدله وميلــــــــه=هاك مـــن فــعل الحروب اللــي فعايلهم هــــوايل
منهم اللي قل من يوجد مع العالم مثيلـــــــه=صاحب اكــبر معجزة في نــجد يـــوم العــدل مـأيـل
ستةٍ من روس ربعه قصهم بثرى دخيلـــــه=والحــق الستة ذراع الخال مــن حــر الــــــــغلايل
قصة نويشي من علوم الرجال المستحيلـــة=ولايــــسويها مــن اهــــــل المعجزات الا القلايل
والبلالي يوم ضاق وشاف مابيديه حيــــلـة=قــدم الـــروح العزيزة واتقــى شـر الحــــفايل
افتدى جاره بروحه واعلنت حايل رحيلــه=كــلها مــن شــان مايكسب علــى ربعــــه فشايل
قال هذا ابني ودونك عمري الغالي بديـلـه=اذبــحوني فـدوةٍ له واطــــلقـوه مــــن الحـــــبايـل
العزيز يموت شامخ والردى مايستويلــــه=يــرحم الـله مـــن تسامت عــزته لـوكـــان زايــــل
والذويبي له علوماً مع هل الخوة طويـــلة=غـير دوره بالكرم يعــطي ومـــــداته جـزايـــــــــل
وابن ناحل من حلاله مد ماخيب عميلـــــه=غـير مــــاحاشت يمــينه يـــوم حــومات الدبايــــــل
قالها عبيد الرشيد وبين الفعل بدلـــــــــيلـه=بعـــــد ماغنـى وهيــجن فـــي جـزيلات المـــــثايــل
وابن حبيتر يوم وقت الجوع والدنيا قليـله=فــي فــــقارة نجـــد يعطي من نصى بيته عدايل
يوم راع الزاد عيا بالثمن باع الكحيــــلة=فـــي عشاء ليــلة وصارت سالــفة مـع كــل قايل
الكريمة لو حداها الفقر ماتصبح بخيـــــلة=عـــادةٍ مــن جودهـــا ماترتضـــي مــد الهزايـــــــل
قلتها بمناسبتها ماكتبت الشعر عيلـــــــــه=والـــهدف ذكــر المناقـــب مـــن فعول من شمايل
المعاني من ضميري قدح زندٍ من فتيلــــة=سامــحوني فــي قــصوري كـــان بعض القول عايل
ماهضم حقوق القبايل والشعر ماني وكيـلة=والـــوفاء شــئٍ مــن الــــله بالشــعوب وبالقـــــبايـــل

[/poem]

مِــدادكَـ .. غـشـاهـا .. الـ صـدق ..


وأحـاطـهـا .. الـ نـقــاء !!


صـ لسـانـكـ ـح ..


مــدد .. بـ .. لا .. عــدد ..


دمــتَ .. كمـا .. أنــت ..


بـ انتظـار .. الـ مـزيـد ..


أخي .. الـ كـريــم ..

صح السانك ولاهنت



قصيده رائعه من رائع

لك تحياتي

صٍْحٍّ لسٌِِّآنْكَ وٍسٌِِّلمً بٌَِنْآنْكَ
قٌٍصٍْيَدًٍة رٌٍوٍعًٍهٍَ بٌَِرٌٍوٍعًٍة حٍّضًٍوٍرٌٍكَ
دًٍمًتُِِّْ بٌَِخٌِيَرٌٍ

السلام عليكم
انا من المعجبين بالانسان جوهر الحربي قبل الشاعر ، ولم التقه قط.
سمعت له مقابله على اذاعة الكويت قبل 3 او 4 سنوات وسمعت فيها صدى لرجل ذا همه عاليه.
هلا ومسهلا وصح لسانك.

صح لسانك يالذيب

.. ولاهنت

نص راقي ..و عذب المعاني .. !

سلمت مشاعرك ..

دمت بـ إبداع

راعي الحناكيه

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

الأخ العزيز الشاعر/ جوهرالحربي
السلام عليكم ورحمة الله وبركاته:
صح لسانك ... وبيض الله وجهك ...
ولا هي غريبة عليك يابو غالب...
دمت سيفا لهذه القبيلة ...
تقبل تحياتي

,
,
,
صح لسانك وسلم بنانك

قصيدة وافيه من وافي

بيض الله وجهك يالذيب

اتمنى لك التوفيق

اخيك ابوروان

بيض الله وجهك يا الذيب

كفيت وفيت وجعلك على القوه

ولا جاء منك قصور رايتك بيضاء

كفووووووووووووووو يا النشمي

أشهد بالله إنك شاعر