[[[..راعــيــة الـشــاص..]]]

السلام عليكم ورحمة الله وبركاته
أسعد الله أوقاتكم جميعًا
أبيات للتواصل لعلها تنال اعجابكم..,

أشًرت للشاصي علشان راعيه=فقدت لي خلفة تحتها ولدها
وأثر عليه اللي تزين مماشيه= تبرم دركسونه وتمشي وحدها
سلام.. كيف الحال.. قالت يالبيه=قلت آه وااا لبيهها اللي قردها
نفس ن يتلتلها الغرام لمضاميه= ومن العنا ومن الشقاوه جهدها
قالت لي ليه وقلت ماعاد به ليه=لاوالله الا راح قلبي بيدها
سرحت مالي بالمغازل مشاريه = أنا بدوي وأغلى نياقه فقدها
ويوم اعترضتي قدمه بهالمهاميه= حاجة وجدها وحاجة ن ماوجدها
لقى العوض في حزة غياب غاليه=هنوف بدو ن ربها اللي فردها
رغم انها بوسط النفود وصحاريه= نعًوووومة ن لا قبلها ولا بعدها
البر يعجب من يتوق لجوازيه =لوشافها راع الظبا قال صدها
مثل الظبي ولوخاوته في مفاليه= اذا ماذيرها مهو منتقدها
زين ن ورا البرقع شقيت بمواريه= والعالم الله ...يعني الخافي ادهى
بالحب قلبي من قبل لا تلاقيه= صفًى الحقوق وكل عهده جردها
حاجز على اقلاعه من ارض الهوى اوكيه= وصاحت على الكابتن وقالت اعدها
على محطات ن بها أدل وأتيه= والناس يضحك من عرجها حردها
فلي جديل الوصل يابنت فليه= على متون ن ضامها اللي صعدها
وأرخي ثعول ن مدهر الجاش تحييه= ترحمه غيث وتحرمه من بردها
ماعدت الوم اللي تحسس مخابيه= مادام في رقمه حراوي وعدها
صرت اجلس بمجلس وفكري ماهو فيه= عيني على المنشأ تمارس نكدها
واليا طرت بالبال لبيه قلت اييييه= راحت وراحت خلفتي مع ولدها
واليا اقبلت على خفوقي طواريه =عوب ن تداحم ماضبطنا عددها
اقول في صوت ن عن الناس مخفيه= قدها <<يابومتعب إلى (هناك) قدها
وان ماعقلها الله (بذاك) وحراويه= لا والله الا صدق (رحنا بيدها)

وتقبلوا تحيات أخوكم /
أحــمــد بن نــاحــل

صح لسانك وبيض الله وجهك

نص جميل وشاعر بارع

تقبل تحياتي

لله درك على ماسطرت من عذوبة ونقاء

شكرا لتواجدك الراقي

شكرا لهذا البوح

ابدعت واجزلت

صح لسااااااااانك مدد بلا عدد

احتراااااااااامي

.
.
.
.
.
لله درك يا ابن ناحل ...... اشهد بالله انها درر ..... أشهد بالله انك شاعر و كفووووو
و ترفع الرأس ........ صح لسانك و بيض الله وجهك0
لاعدمناك يالذيب
.
.
.
.

لله درك ثم لله درك

صح لسانك ملايين


قصيدة جزله من شاعر جزل

سـلام.. كيـف الحـال.. قالـت يالبيـه
قلـت آه وااا لبيههـا الـلـي قـردهـا
أي والله يالبيهها اللي قردها

عندما يكتب الشاعر الكبير أحمد بن ناحل فنحن سنتمتع بدون أدنى شك .

قبل قليل فرغت من مشاهدة الحلقة الثانية من شاعر المليون وأتيت ولم يدر بخلدي باني سأقرأ شعرا فأنا وصلت لدرجة التخمه ولكن أبو متعب يبدو أنه كان ينتظرني ليقدم لي هذه الهدية التي جعلتني بحالة نشوة لم اشعر بها منذ زمن .
القصيدة تحتاج الكثير والكثير ولكن لضيق الوقت وحتى لاتحسب على الزمالة التي أنساها عندما أقرأ مثل هذا الإبداع .

أحمد بن ناحل

لافض فوك

سهل ممتنع عذب من ألفه إلى ياءه

هكذا هو أنت كما أراك في كل حرف مضيئ

رائعه يابو متعب

تحياتي لك

	المشاركة الأصلية كتبت بواسطة لــهــيــب

	صح لسانك وبيض الله وجهك نص جميل وشاعر بارع تقبل تحياتي

لهيب صح بدنك ولاهنت

شكرا على مرورك

تحياتي لك

	المشاركة الأصلية كتبت بواسطة الصـ الجارح ـقر

	لله درك على ماسطرت من عذوبة ونقاء شكرا لتواجدك الراقي شكرا لهذا البوح ابدعت واجزلت صح لسااااااااانك مدد بلا عدد احتراااااااااامي

الصقر الجارح

صح بدنك ولاهنت

شكرا على طيب المرور

دمت بخير