يا سلامي ها السلام اللي خفيف ٍ دمّه

رشيد =
يا سلامي ها السلام اللي خفيف ٍ دمّه =معه جنسية ويبغى له جواز سعودي
مشكلة صياف صارت بين ابوه وعمّه =والسبب ناس ٍ تدق الملـح والبــارودي
صياف=
مرحبا بالشاعر اللي ما قدرت آذمّه =الليالي ما تغيّر والزمان ايعـــــــودي
الزلامي معه علم وكل شي ايهمّه =مير لو يزعل تغيّره الليال الســـــودي
رشيد=
كيف تدلي بالشهادة يا كبير الذمّه =وأنت ما شب الك ضوّك غير قدح زنودي
صرت مثل اللي كبر وانكر لبن ديس امّه= والعرب فالصيف تعرف عدها المارودي
صياف=
العلوم اللي تحط الناس راس القمّه =حبلها من يمكم يا صاحبي معقودي
ثوبك اللي ما ينوش الأرض غير ابكمّه =نزله للجمرة اللي فوق راس العودي
رشيد=
ودي اكشف غلطتك للعالم الملتمّه =أنت حربياً تطالبني بورث اجدودي
يا محبين العقال ومنكرين العمّه =خصمكم في الآخرة عبد الله المسعودي
صياف=
أنتم رجال الشرف وعظامكم منسمّه =أعبروا ذاك الطريق وحملكم مشدودي
أنت ما تدري عن البارود لين اتشمّه =مير لا ترمي بها فالوادي المسدودي
رشيد=
لوّ يا صياف علمي تمسكه وتضمّه =تاجده مثل العسل وألا حليب القودي
أنت تحسب جدنا داب يموت بسمّه =مير أنا باذل لنصره طاقتي وجهودي
صياف=
يقطع الله ديرة اللي ما يعرف الجمّه =والتجارة يالعتيبي بابها محدودي
قبرك اللي في تهامه بالتراب اندمّه =تحفره بالليل الأظلم والعباد رقودي

الله الله
على المحاورة الجميله و القوية ... هذا الشعر ... وهذا المعنى الصحيح

صح لسان الشاعرين و رحم الله صياف الحربي

بيض الله وجه ياراعي البل

على نقل هذه المحاوره الرائعه

رحم الله صياف واسكنه فسيح جناته
وجميع موتى المسلمين

يعطيك العافية أختيار موفق
بيض الله وجهك

	الله يـعـطـيـك الـعـافيـــــــــــة بيض الله وجهك

00
يعطيك العافيه على الملعبه وصحت السنت الشعار
.
.
بارك الله فيك حفظك الله0
0

مشكورين على المرور

الله يرحم صياف .. معنى ومبنى ..


مشكور يارعي البل

الف شكر على مروركم
بيض الله وجهكم
دمتم بود

بيض الله وجهك