الليله البرق شامي واسمع ردين الرعد

حبيب العازمي=
الليله البرق شامي واسمع دنين الرعد فيه=واليا اصبح الارض ممطور استر قلبي وعيني
صياف في كل عامي ينوي بقتلي وانا انويه=لاكن مطلق ومستور يقفون بينه وبيني
صياف الحربي=
الليل شد الحزامي ياللي تشده وترخيه=سمعتلي صوت ماطور خرب عليك الطحيني
انا مسكت الحرامي ويعلم انك بن اخيه=عساك ماتشهد الزور بين الخصوم الثنيني
حبيب العازمي=
احسلك اسمع كلامي والدرب لاعاد تخطيه=مجبور ارجعك مجبور ولا ماجيك وتجيني
ياغايتي يامرامي البيت بانيه راعيه=وبليس ميت ومقبور من جملة الميتيني
صياف الحربي=
هات العشاء والايدامي والضيف يالله تحييه=والصبح نعطيك باكور انكان عندك يديني
اثرك جاعان ضامي واللي تجيبه توديه=شفتك صباحه على النور بين النمر والحصيني
حبيب العازمي=
ياللي في خشمك عرامي اقرب وحنا نداويه=واليا ارتكاله على الكور سلم يمينك يميني
انت من اول نظامي واتبيع علمك وتشريه=واليوم اتلف وادور بين اعرفه والقريني
صياف الحربي=
طاح الحبل بالمقامي والدلو طاعت عاراديه=ياعنت ابعد عن الثور تراه شرس وسميني
حملك ثلاثين عامي وشبك عليا تدربيه=انكان عذران معذور خلك في حصنن حصيني
حبيب العازمي=
الثور جالس سنامي لاكن انا وين اوديه=بغيت ادقه على الزور واليان طبعه لعيني
قطعتلي بحر طامي يوم انت تمشي فباريه=واللي قطع سبعت ابحور يبشر بسمن وسميني
صياف الحربي=
ياطيبين الاسامي ذكوه ولا بذكيه-=واطون اصحون واقدور بطن الولد يشتكيني
ياللي بلعت الطعامي والفرض منت مصليه=لاتفرح ابجنة الجور وانتا تعرف الرطيني
حبيب العازمي=
اخذ اللحم والعضامي ثم اطبخ اللحم واشويه=مشكور صياف مشكور حنا ترى مغتنيني
مخطرك فالنار حامي يا للي لزومه تخليه =بكره ليا هل عاشور يطلق عليك السجيني
صياف الحربي=
ياللي يدينك توامي فاول زمانك وتاليه=فالبحر تسعين بابور واتشوفها مرتيني
ياللي لبست الحرامي وام الخلا لايماليه=يحج ابوزيد ويزور لو العتيبي فنيني
حبيب العازمي=
برق الهوى والغرامي ماعاد تقدر تغنيه= اصبر لها ايام واثور من جنب ضلعأ متيني
ماهي ببرد وسلامي يالحربي العلم توحيه=حنا لعبنا لنا دور في معجمات السنيني
صياف الحربي=
تحيتي واحترامي للي عيونه تقديه=يالعازمي منت دكتور نرسل عليك الرديني
انكان سال العسامي يسريه ضيه ويضويه=لو فيه مخلب ودبور قطعت راسه بحيني
حبيب العازمي=
تراك تعرف مقامي والسد مابان خافيه=لاكن ياشاهد الزور مالك عليا يميني

من تسجيلي والقادم أجمل=