*·~-.¸¸,.-~*الطفوله*·~-.¸¸,.-~*

الجروح بخطوة العاشق مسيره = والألم كنه وريث لذكرياته
كيف أحبك دون إحساس ٍ وغيره = ما عشقتك بالهوى وأنت ِ شتاته
والظنون اللي تسميها كبيره = للضرير بعالم جروحك عصاته
والحياه اللي تحسيها مريره = منية المحروم في ساعة وفاته
يكفي أن الورد أ َصْبحلكِ عبيره = ويكفي أني للغلا أصبح وفاته
كيف مات الحب يا صحوة ضميره = والمشاعر ما بكت لحظة مماته
كنتي بعيون الغلا عندي أميره = والهوي طفل ٍ تَنعم في سباته
والفرح وأنتِ والأحلام الصغيره = وأمك اللي لا سرت نمسك عباته
والثياب من الشقى كانت كسيره = صوتها يزعج أبويا في صلاته
كنت أخاف يردني ويقول خيره = وما أنام الليل ولاعينك تباته
الفقر والهم والأحزان ديره = للوداد اللي سعى قلبي بنجاته
افترقنا والسبب صرتي كبيره = والغرام اكبر من العود وصاته
داخلي طفل ٍ حضن أشواق غيره = والعمر أفنيت ثلثيه بغلاته