اللي فهم المعنى 00 ليت يساعدني ويشرح لي واكون لة من الشاكرين

اخي سلطان الغيداني
ان قلت ان فلان جبان 000 مثلا
وجاء يطالبني بالحق
وقلت فلان مابة كل عذروب 0 حاشا لله ان اقول ماهو طيب انا اقول انة طيب لاكن جبان
( هل انا بذلك نفيت اتهامي لة الاول او بقيت متمسك بة ؟؟؟)
والخيل 00 اذا هي للخيل
اثناء الكر هل الذي يكر بالفرس الخيال او الفرس نفسها
لو فر احد الفرسان بالمعركة ليكر على الاعداء
هل يمدح بفعلة 00 او بالتفات فرسة ؟؟؟
السبايا ان كانت من الخيل يقال لها قلايع والسبايا هي النساء
الكاسب اصبحن عندة باسم قلايع
المغلوب اخذن منة سبايا
السبية الي على الردة تعوج رقبتها هي التي تنتضر من يحررها
سلايل من فوقها الحرب لحـروب000
ماهو الذي جاء فوقها وفوق رغبتها انها الحرب 0 وهي بالاصل لحروب
والمهم عندنا رد شاعرنا محمد العسيلي رحمة الله علية
كفى و وفى رحمة الله علية

محمد فداك من المـلا كـل زاروب=اللي صلاحـه مـا يعـادل خرابـه
حقّك عليّه مانسب العلـم مقلـوب=وحقّي عليك الصّدق في كل جابـه
لو كل علم يـم حاكيـه منسـوب=وترجع مناقيده على اللـي حكابـه
لاشك احب الصدق والصدق مرغوب=عند الرجال اهل الشرف والمهابـه
واصاحب اللي صحبته مابها عيوب=واجفى الجناب اللي يملّـه جنابـه
واجنّب اللي كـل ماحتجتـه يـذوب=ويروح ضحضاحٍ تلاشـى سرابـه
تذهب مواعيده مواعيـد عرقـوب=ادراج ريـح الله يخيّـب شبـابـه
وللي لبس لي بالصداقه ميّة ثـوب=ماهو صديـق ولا هبابـي هبابـه
هذا كلام اللي بـدا راس مشـذوب=راس الطّويل الـي تقطـع سرابـه

وصدق بقولة :

هذا كلام اللي بـدا راس مشـذوب=راس الطّويل الـي تقطـع سرابـه
هذا كلام اللي بـدا راس مشـذوب=راس الطّويل الـي تقطـع سرابـه

اخوي سلطان الغيداني
اختلاف وجهات النضر امر عادي
ولو اقول وجهة نضري كاملة اكيد ابي الاقي كثير من المعارضات
وانا اتقبل بصدر رحب كل من يخالفني الرأي لان احتمال خطاي معادل لا احتمال صوابي 00 فأن اخطأت فمن نفسي والشيطان وان اصبت فمن الله

واخيرا تقبل تحياتي وتقديري لشخصك الغالي

وتحياتي لكل من يتصفح هذا الموضوع