حربي وربعـي بالحرايـب تلقـبّ

قلت هذه القصيدة في زيارة الشيخ/ ناصر بن وريك المرشدي العتيبي إلى بلدة البعائث التابعه لمنطقة حائل بدعوة من الشيخ / عبد الكريم بن رباح السليمي الحربي

بديت بسم الله علـى كـل مطلـبّ=بسم الإلـه المعتلـي مبتـدي بـه
يا مرحبا ما هل مزن(ن) وما صبّ=من صيبٍ منصب يخضـر شعيبـه
سر يا قلم واكتب من الشعر ما لبّ=هديـةٍ لهـل القـلـوب اللبيـبـة
اللي لهم بالطيب ماقـف ومرقـبّ=عتيبـه الهيـلا نهـار الحريـبـه
لطامت العايل في السيف الأحـدبّ=يوم الزمـان اللـي بغلبـه غليبـه
كم شيخ قومٍ حولوبـه ليـا طـبّ=في ساحة الميـدان فـارق حبيبـه
عليـه ترفـات الصبايـا تناحـبّ=وودع جموعاً قادهـا قبـل شيبـه
خلي عشـا لسبـاع جـواً تقانـبّ=عليه ذيـب لذيـب يجـذب قنيبـه
عتيبه الهيلا علـى كـل منْصـبّ=كلٍ يقـول الطيبـة مـن نصيبـه
يشهد لهم عود القنـا والمخضـبّ=سيـفٍ مضـارب سلتـه يندعيبـه
ميقافهم يجبر به الكسـر ويضـبّ=يـا عـز منهـم فزعتلـه مجيبـه
إن كان باب الخوف منه الهواء هبّ=وحطوا لهم في كل مرقب رقيبـه
ترعى بذراهم كل وضحاً معـربّ=لهـا مساطيـر النشامـا جنيـبـه
ذباحة الحايل في الوقت الأشهـبّ=هذي طبايعهـم و لاهـي غريبـة
وخويهم في رأس عيطا عن السبّ=والجار كنـه واحـداً مـن عتيبـه
تـم الكـلام وبالجزيلـة تَـعَََََـذبّ=وعن ما ذهب مالي عليـه الذهيبـه
وافي لوافيـن الأشابيـر ومحـبّ=لهـم سـلام وسلّمـه يـا نديـبـه
حربي وربعـي بالحرايـب تلقـبّ=محاربين التـرك مـا فيـه ريبـه
والناس دون حقوقها جمع وسـربّ=و لا اقول في باق القبايـل معيبـه
و صلوا على سيد البشر مثمر اللبّ=نبينـا اللـي سنتـه نقتـدي بــه

اخوكم
الشاعر / نواف بن دليم السليمي الحربي

والناس دون حقوقها جمع وسربّ و لا اقول في باق القبايل معيبه
و صلوا على سيد البشر مثمر اللبّ نبينا اللي سنته نقتدي به


صح لسانك على هالجزلة اخوي

قصيدة جزلة من شاعر جزل

	الله يـعـطـيـك الـعـافيـــــــــــة على القصيده وصح لسانك مليون بيض الله وجهك

صـ لسـانـكـ ـح ..


مــدد .. بـ .. لا .. عــدد ..


دمــتَ .. كمـا .. أنــت ..

صح الله لسانك ولاهنت


قصيده وافيه من وافي



تقبل صادق ودي


تحياتي

صح لسانك وبيض الله وجهك

نص جميل وشاعر بارع

تقبل تحياتي

صح الله لسانك وبيض الله وجهك

جزل لا عدمتك

صح لسانك وعلا شانك

الله الله عليك

صح لسانك


قصيده رائعه

صح لسانك وسلم فكرك