ديوان الشاعر مناع الوهبي

اخذ النصيحه ياعضــــيدي وطالبك =بعض البشر ماينومن مشيت خطاه
بعض البشر ملعون لوهو يصاحبك =يدور الـــــزله وشـــــــــينه نواياه
واحذر من المعسول لاجى يخاطبك =قدمك نظيف وهـــــو شرن خفاياه
ولا كل رجــــــالن تحـطه بشاربك =الا الـــــــصديق اللي تقدر مخاواه
وقت الشــــدايد دايم الدوم قاربك =يطـــوف الــــــــزله وغلطتك يرفاه
وعند الخطـــى دايم بتلقاه ناشبك =ودرب الخطـى ماهو طريق ومبـداه
وعند الخطـــى بينك وبينه يحاسبك =وعنـــــــد البشر مابيح السد تلقاه
والخـاتمه حـذرى وحذرى وطالبك =الليا عــــــــــطوك السر لابد تكماه
وحذرى تذم الناس لو هو محاربك =اما ذكـــــرة الطيب لاتذكر خطاه