صياف و مستور ( قويه)

عد ماهلت هماليل المخايل ياسلام الله سلام بغير منّه = للامير وللجميع اهدي سلامي واطلب الله بالنجاة وبالسلامه
الصمايل ياهل الخيل الصمايل لبسوها بالسروج وبالاعنّه = والقمر يجلاك ياليل الظلامي ياقمرنا بالرياض وفي تهامه
مرحبا ترحيبة فيها دلايل سنة قبلي وانا تباع سنّه = اكمل الحجه يالباس الحرامي لاتسافر بالعقال وبالعمامه
انتبه للي يردون المثايل لاتطب النار وانت بوسط جنّه = ثم تصبح بالخلا جوعان ظامي تعصر الزيتون من عرق البشامه
ماش ياصياف حيلات ومحايل شفت لي بعضكم شكه وظنّه = الحرامي كيف يسرق له حرامي طحت لك في حفرةعشرين قامه
عقب هاك السالفه كيف انت قايل يوم جربنا السيوف المستسنّه = يوم قمنا يالحروب الحظ قامي يبعث الله امته يوم القيامه
الله اكبر كيف خيلت المخايل وانت عينك تحت رمشك مستكنّه = مامعك غير الفتيله والحزامي والعصا اللي شلتها ظلم وغشامه
من بلد جدة ليا ضلعان حايل تتبع اديار الروا والدلو شنّه = كن ما لك لالسان ولاعظامي عقب ضيعت الشداد مع المسامه
ماجحدت بيوت ماضيين الفعايل وانت هاك اليوم ونيت لك ونّه = يالسحيمي طيعني واسمع كلامي الغلط يوقفك في درب الندامه
ان كثر مابيننا قيل وقايل والهقاوي يرجعن اليا اهل هنّه = لاتقرب ميسم بالنار حامي يصبح الميسم على الخدين شامه
انته الليله عليك الحمل مايل وان بغيت العد حنيت لك حنّه = والحقيقه لاتباع ولاتسامي غشك اللي حط لك ربع العلامه
لانته التالي ولا انت مع الاوايل حولت في نارنا تسعين قنه = واصبحت لاهي شراب ولاطعامي ماعليّه من سبايبها ملامه

الله اكبر يافارس عوف

الله يبيض وجهك يالغالي

شعراء عمالقة

رحم الله صياف السحيمي وغفر له

مشكور الله يعطيك العافية يافارس عوف

	يعطيك العافيه على الملعبه الرائعه بيض الله وجهك ننتظر المزيد تحياتي

	الله يـعـطـيـك الـعـافيـــــــــــة بيض الله وجهك

الله اكبر يافارس عوف

الله يبيض وجهك يالغالي

الله يبيض وجهك يالغالي

	المشاركة الأصلية كتبت بواسطة مشعان الحربي

	الله اكبر يافارس عوف الله يبيض وجهك يالغالي

أشكرك على مرورك اخي : مشعان

	المشاركة الأصلية كتبت بواسطة المخلـــفي

	شعراء عمالقة رحم الله صياف السحيمي وغفر له مشكور الله يعطيك العافية يافارس عوف

مشكور على مرورك اخوي / المخلـــفي

	المشاركة الأصلية كتبت بواسطة ابوروان النويمي

	يعطيك العافيه على الملعبه الرائعه بيض الله وجهك ننتظر المزيد تحياتي

ابو روان
مشكور على مرورك المشرف