مجاراة لأبيات الشاعر رشيد الزلامي ( طبعاً نسخ من مشاركة الزميل محمد الفالح)

أبيات أبيات الشاعر رشيد الزلامي ( طبعاً نسختها من مشاركة الزميل محمد الفالح ويهمني رأيه

)

ياصاحبي درب العلا عسر بالحيل=ودونه مسافه جرهديـه وجـردا
وقدمك لعكفان الشوارب مداهيل=قطاعت الفرجه على كل سـردا
وان كان ما تقوا دروب الرياجيل=عود وتلقى واحـد منـك واردا

،،،،،،،،،

أولاً: لايمكن أجاري شاعر بحجم رشيد الزلامي لكن نحاول لنتعلم
ثم كل واحد يعطيني رأيه بدون مجاملة ومن يرى صياغة أفضل لا يبخل علينا

ياالصاحب اللي في الطويلة تخايل=ومن دونهـا صم الصخور الجلاميد
وفي الدرب شقرٌ ياردون الصمــايل=شيالة العـــاني صهـــودٍ صنــــاديد
لا تقول مالك في ركـوب الأصايل=الخيـل وقــره ما تــروم الرعـــاديد

والله صح لسانك مليون يابو سعد

بس الوقفه الثانيه عن الزلامي (ردا)
والوقفه عندك (يد)

ونفس الوقت الوقفه الاوله في الاشطر الاوله من كل بيت

والقصيده رائعه كروعة حضورك يابوسعد

صح بدنك لكن أنا سمعت من رشيد أنه يريد مجاراة في المعنى
أما اذا الأمر على نفس حرف الروية والله ما أدري
تكفى اذا تأكدت لي أو أحد الأخوان على شأن أعدل القافية

وهذه على قافية رشيد الزلامي
،،،،

يا الصاحب اللي خلتها تالي الليل=والأرض غمضٍ هوجلية وسندا
من دونها الشقران روس الجحافيل=في راس مرقابٍ على ظهر حردا
وإن كان هايب لا تبهر من الهيل=والنار من تحت المعاميل رمدا

والله انك راعيها اخوي لافي

صح لسانك يالغالي

صـ لسـانـكـ ـح ..


مــدد .. بـ .. لا .. عــدد ..

الاخ الشاعر لافي

دامك مقتبس من مشاركتي

ابمسك بحق

كانني ماشفت لك رد على مشاركتي

ومشاركتك الاولى مثل مالاحظت انت انها مختلفة عن القافية

بس لحقتها يالذيب وعدلتها

ومجاراتك بعد التعديل رائعة بروعة حظورك

صح لسانك مدد بلا عدد

سلمت وسلمت يمينك

وتقبل تحياتي وتقديري وفالك الخير

الله يبيض وجهك
،،،،،،،،
والله لك الحق مربع وصايب
،،،،،،،،
ولا عندي عذر وش أقول الصايبه صايبه
،،،،،،،،
لكن عسى الجماعة يجتمعون وابشر بالمغلاق اللي يرضيك

الأولى مختلف بحرها عن قصيدة الزلامي أما الثانية فهي رائعه ولكن:
والنار من تحت المعاميـل رمـدا كلمة رمدا طبع تقصد بها رماد اذا كان كذلك فهي غير مستساغة هذا رأيي فرمدا تطلق على العين مثلا.

هذا رأيي وطبعا لايقلل من مكانتك التي لم أصل اليها ولكن انت من طلب رأينا .

شكرا أخوي لافي الله يوفقك

صح لسانك مدد بلا عدد

سلمت وسلمت يمينك