صياف و حبيب(كان جاك الزعل نرضيك في ربع ساعه)

مرحبا ياضيوف ومرحبا يا جماعه=عد وبل السحاب اللي ترزم رعوده
كل رجلً يهوش ونجدته من ذراعه=مايشب الفتيل الا شرارة زنوده
بارك الله لكم يا حافظين الوداعه=مثل برق الحيا اللي حكمة الله تقوده
مايجيب المشاكل غير كثر الشجاعه=كل رجال ينفخ جمرته راس عوده
أنت ياشاعر السحمان صايبك راعه=ومرضتك الحراره وصرعتك البروده
والمشاكل وراكم مع قبيلة خزاعه=والخزاعي خزاعي لو طلع من حدوده
كان جاك الزعل نرضيك في ربع ساعه=المحاله تصيح والحبال معقوده
بعد بكره تسمع وش تقول الاذاعه=وقتنا ماركد والناس تبغا ركوده
لاتطوع قبل تحفظ شروط المطاعه=ون وصلت اليمن لا تختلط مع زيوده
ولد ابو زيد أخوكم من توال الرضاعه=له ثمانين ليله مايدرهم قعوده
أكثر علوم خلق الله سوالف وأشاعه=يوم عشره نصيبك ونتبه لا تعوده
الرضاعه مضت ماعاد فيها شفاعه=الولد كلم القاضي وحضر شهوده
الحرامي بعد ماشال نص البضاعه=مايقر الحرامي لين تصفق خدوده
والله انك سنافي لو تكب اللكاعه=مار عود لضلع هذيل حذف قروده
لو تزيد الرجوله ماتروح الطباعه=ياعتيبي ترى صبري تعدى حدوده
من خلقنا وكنا ما نحب الدلاعه=أترك الادمي يفزع ويعطي جهوده
خل صدرك وسيع وخل عندك قناعه=أنت ودك بطنب البيت ولا عموده
مايضر المزارع غير موت الزراعه=تنقص الزرع ياصياف ولا تزوده
أنت يالعازمي عندك مخازن صناعه=والبلد مسلمينه دوب تمسك يهوده
ودي أسبع اللي مالقاله سباعه=مار خايف على هداج تكثر وروده
خابرك تصنع الهوري وتصنع شراعه =مار عسكرك راحو بوش ياسعيد جوده
لاتسوق البعير وتلتوي في كراعه=البعير الهبود تحصل امه هبوده
راعي الهوري اللي يقطع البحر باعه=كان تبغا تعود للخطر قول عوده