ياليته قبل يرميني نطرني///اطيّب خاطري ليلة زفافه

	المشاركة الأصلية كتبت بواسطة سالم الدلح

	السلا عليكم ورحمة الله وبركاته,,,, اخواني اعضاء هذا لصرح الشامخ هذه قصيده لي كتبتها بلسان اب يشكي ابن عاق واتمنى اني قدرت اشرح لو جزء بسيط من معاناته ........القصيده بسيطه واتمنى ان تنال الرضا صلو على النبي,,,,,,,,,,,,, حسافه ياوليـدي كـم حسافـه(=)وفيني كيـف ربـك ماتخافـه رميت آبوك ثم صديت عنـه(=) نسيت اللي لحافك من لحافـه؟! انـا ماكنـت متوقعهـا منـك(=)يجي لك يوم والوالـد تعافـه غريبه!! كيف هنت اليوم عندك(=)وصارت عيشتي عندك كلافه وانا اللي هقوتي كانت كبيـره(=) ودربك ماتصورت انحرافـه نطقها!!قال انا مابيـك عنـدي(=)كسر قلبي حسافـه باعترافـه كبيره حيييل ياوليـدي بحقـي(=)حسافـه ياحسافـه ياحسافـه وانا اللي كل ما املك عطيتـك(=)وقلبك للأسـف مابـه مرافـه وبعد الله محدن سـد جوعـي(=) يكثّر خير (عمّـال النظافـه) ! يجيلك يـوم ياوليـدي وتنـدم(=)تشوف اللي ابوك اليوم شافـه الا يانـاس جيبولـي وليـدي(=)وحطو صورتي وسط الصحافه عساه ان شافني حن ورجعلـي(=)واظمّه من بعد طول المسافـه ياليته قبل يرمينـي نطرنـي(=)اطيب خاطـري ليلـة زفافـه مع راق تحيه

سالم الدلح

صح لسانك

قصيده جزله وجميله

وجدت بها الابداع اللذي تتحفنا به دائما.

وكفانا الله شر العقوق واصلح ابناء المسلمين
.
.
بيض الله وجهك