عــز الـريــاض

	المشاركة الأصلية كتبت بواسطة الصييفي

	أحبتي حاولت دخول مسابقة سمو الأمير عبد العزيز بن سعود بن محمد آل سعود (السامر) خمسين عام هي مدة حكم صاحب السمو الملكي الأمير سلمان للرياض و التي نشرت في جريد الجزيرة الشهر الماضي، رغم معرفتي بأنني لن أكون ضمن الفائزين من الشعار الكبار و هذا ما حصل بالفعل، لكن اللي زعلني أنني خالفت شروط المسابقة حيث سقط سهوا البيت التاسع و لهذا استبعدت مباشرة قبل التسليم للجنة. على أي حال الأبيات الثلاثة الأولى لسمو الأمير (السامر) و المطلوب كان إضافة 13 بيت على نفس البحر و القافية واليكم القصيدة: عـز الريـاض و عـز وادي حنيفـة= و عـز الامـارة و الامـور العظايـم عـدل الحكـم سلمـان بالعـز ريـفـه= خمسيـن عـامٍ كــل ابـوهـا غنـايـم تبصـر بعدلـه عـيـن حــيٍ كفيـفـه= المجـد لـه و الطيـب و العـز دايـم *** يسهر على الجمهور مثل الخليفـه= يسهر و باقي الشعب آمن و نايـم خمسيـن عـامٍ مـا حسبـهـا كليـفـة= حيثـه بحـب الـدار و النـاس هايـم حليـم دام الحـلـم يــدرك حصيـفـه= و صيروم إذا ما صار للحلم سايم سلمـان حـرٍ يعجـبـك فــي رفيـفـه= و الى شهرما صار في الجو حايم الى رمـى النيشـان صـاب تهديفـه= فـي ماقـفٍ يحسـى لوقـت اللـزايـم والى حرب يروي من الدم سيفه= في ساعة الفـزعة و نطل العمايـم و الـى عـزم يقـدم و لا بـه نكيفـه= مـا يـوم لاقـى فـي طريقـه هـزايـم في ظل عبـد الله و حضـرة رديفـه= أهـل الفعـول الموقـفـة و العـزايـم اللي بنوا للمجـد سـاس و سقيفـه= و في هامـة العليـا يذكـوا التمايـم يا رياض نم مابين جوخ و قطيفه= مــا دام سلـمـان المـواقـف يـزايـم يـزايـم المـوقـف بـرايــه و كـيـفـه= و هـو ببحـر التنميـه فـوق عـايـم عسى النجاح بكـل مسعـى حليفـه= و عسى الأمـن فـي ديـرة العـز قايـم

إبداع متجدد يالصييفي

وخيرها في غيرها

صح لسانك يادكتووور

تحياتي