قصيدة دمعة حزن غنت على الضيق موال

قصيده اتمنئ ان تنال على اعجابكم



دمعت حزن غنت علئ الضيق موال
ادمت حناجر صوتي اليوم ياسعود

اليوم بقعا شفتها ترمي الشال
بنتن لها في قهر الاجواد مشهود

ناخت ركايبها وطشت لي حبال
معها الزمن حيال وامسيت مضهود

والحظ مايرحم ويظلم ليا مال
لايقبل دموعك ولا يقبل شهود

اعطيك انا الموجز علئ كل الاحوال
موجز كثا فالعين ملحن وبارود

البارحه هرشن مع الهرش شيال
حنو علئ حمل الزمن حن مفرود

ياكبرهم بالزول تغريك الاشكال
من دون بنك المرجله حصلوا كود

لاصرت ماتقدر علئ شيل الاحمال
خل الحمل منته عن الحمل منشود

والبارحه يوم الردي خيل بالمال
ينقد رجال العز والطيب والجود

ماغير اعلل خاطري قدم الازوال
كله عشان العود فالعين موجود

وهبت رياح الهم مع ضيقة البال
واغلب جنود الصبر ميت ومفقود

واللي بقا شيد من الحزن تمثال
وجدي علئ اللي دونه اصبحت مقيود

وجد السجين اللي تكبل بالاغلال
انثر دموعي كل ما هبت النود

لجل الغرام اللي سقيته بترحال
يوم اللقا كني من الموت منجود

طير الفرح حول وغير لي الحال
يااجمل هدايا الوقت ياباقة ورود

يمكسبي يوم العرب تكسب اموال
مني خذاك الوقت والحظ مقرود

واسرج خيول الشوق وسنين هزال
وحلمن هقيته ضلع واليوم ممهود


لطعون هجرك صرت انا اليوم مدهال
زودن علئ هجرك ترا القلب مرفود



بقلم/ برق المدينه

صح الله السانك
لاهنت
ولاهان منطوقك

صح لسانك مدد بلا عدد
اسجل اعجابي وتقديري

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة

صح الله لسانك
ولاهنت