💯 من لا يحوش المرجلة في شبابه 💯

من لا يحوش المرجلة في شبابه

كادت عليه بتالي العمر لا شاب

ومن لا خذا حذره كلته الذيابه

بعض الروابع حولت به والأسباب

ومن لا يفصل قد جسمه اثيابه

يضحك عليه بملبسه كل نصاب

ومن لا يميز ما تهانا شرابه

مفروض ياخذ للدهر ميئة حساب

ومن لا يمجد بثنا في غيابه

نقصٍ وجوده لا حضر بين الأقراب

ومن لا يعرف الدرب ياخذ زهابه

اخذ النصايح من تجاريب شياب

ومن لا تركد كل علمٍ هقابه

يصبر على صكات بقعا والأنشاب

ومن لا قرأ تصعب عليه الكتابه

بيض الصحايف مالها كود كتاب

ومن لا يذري بالليالي جنابه

من دون وجهه سكروا عشرة أبواب

ومن لا يحقق في خصيمه صوابه

ضاعت عليه علوم لا خطا ولا صاب

ومن لا يشب النار محداً درابه

مثل العلاقة بين عكفان الاشناب

ومن لا يسمي حلم لليله سرابه

لا يضمن الأقدام من لدغت الداب

ومن لا سعى وتعب سماري اركابه

يرضى المهونه بين رديان الأنساب

فهد بن مناحي السهلي

صح لسانه وتسلم على النقل ياحسين

سلمك الله من النار وعذابه

الله يعطيك العافيه
صح لسان قايلها وناقلها
سلمت يمينك ولا عدمنا وجودك بطيب اختيارك
شكرا لك

ماشاء الله تبارك الله
صح لسانك الشاعر فهد بن مناحي السهلي
تسلم ياحسين على النقل الجميل واختيار هذه القصيدة الجزلة
الله يعطيك العافية