ديوان الشاعر/ سعد المحمدي

الطيب اللي لامدحت الطيبين
يفز فزة حر كنك تمدحه

والا الردي كان انت رجالٍ فطين
تبين في وجهه علامه تفضحه

مهما تحييبه على سمن وسمين
لابد ماتسمع من الكلب انبحه

هذا ومثله وانت سيد العارفين
لازم تهينه بالكلام وتجرحه

بعد الاهانه يمكن الخايب يزين
اقل حاجه مايحطك مسبحه

يكفيك شره لو بقى الحقد الدفين
ان مصلحه مولاه ماانته مصلحه

الطيب للطيب سوات الاكسجين
وسمٍ على الرديان واهل المصلحه

تجارب الايام ياعبد المعين
ان مارفعت رجالها ماتطرحه

الله على الدنيا تعين الصابرين
هذا تغني له وهذا ترمحه

ادري ماني فيها بصف المترفين
زنادها دايم بوجهي تقدحه

مير الفتى فيها اليا يوم اليقين
يبحث عن الاسباب لو هي مدبحه

وان صار لاشذره والا حامي عرين
رقمه من الجوال طعني ومسحه