ديوان الشاعر/ سعد المحمدي

اسمع كلام يروجونه من العام
ناس ٍ تحاول شق صف القبيله

والعلم يبغاله محنك وضرغام
رجال عرف ومايحوش الفشيله

مايطيح في حقل المشاكل والاغام
منصف ومايسمع سوالف دخيله

أ فة صحيفتا حبر بعض الاقلام
من حبرها المسموم فوق الوسيله

ماقيل تال الوقت في بعض الاعلام
عن دفنة الركبه نسميه غيله

لعيال سالم من يمنها اليا الشام
كلام عندي شاهده مع دليله

تخصيصها ليت طرف عيب وثام
ومن قال ابن دومان مخطي يجيله

بالطيب والا بالردى يقدم اقدام
ينظر سما ويشوفني بالطويله

ماني وانا راع المواقيف هدام
انا خزام اللي مضيع دليله

حربي وحرب اعدها درع ووسام
المحزم المليان وقت الثقيله

من دونها لو الفشق يرزم ارزام
مارجع ورا والدم نفس القصيله

واللي بدمه مشكله يحجم احجام
ويدور اللي بالعرب ينتميله

قدام ياللي تفهم العلم قدام
وخلاف يامومي براسه وذيله

تقول يادكتور كثر من النوم
والنوم ساس الوم مابه خراجي

في غير وقته لوم واكبر من الوم
مامعه رزق ومايعدل مزاجي

وانا هوايه خايعٍ تو ماسوم
بين الجبال وبين هاك الزراجي

جوه عليل ولطفه ريح قيصوم
والبرق جاله بالسحاب اللتعاجي

ماياصله ياذيب من للمره روم
لاقلت سجينا تعذر وماجي

محروم ياراع الشليهات محروم
من سجةٍ بالبر فلة حجاجي

ومفارقة خبلٍ على الكبد جاثوم
عنيد وعلومه لجاجة حراجي

لو ماتحبه فيه مجبر وملزوم
قربه مرض وفراق مثله علاجي

*سلام ماحن الرعد بالمزابير*
*والبرق له بالعين قمنا نخايل*

*ماثار قدامه عجاج ومعاصير*
*وبله حقاق وغر مزنه ثقايل*

*ياسعود ياحلو النباء للمسايير*
*ياحزام من قلت عليه المحايل*

*جاه وجاه وتدفع الشر بالخير*
*انشهد انك شيخ طيب وفعايل*

*كريم ماتحسب حساب المخاسير*
*معروف يالعرجان عند القبايل*

*لك مجلسٍ دايم دلاله مباهير*
*ونجرٍ بصوته لطراقي رسايل*

*رسايله يامرحبا بالخطاطير*
*حياكم الله ياعيال الحمايل*

*خذ الخبر ياجاهله والتقارير*
*سعود ساس وراس يابس بلايل*

*لنا معه رفقه وجيره وتقدير*
*وخوه بها راسي مع الناس طايل*

*على الشرف والطيب ماهي على غير*
*هذا الكلام اللي عليه الدلايل*

*وربعه وسبع انعام سر الغنادير*
*بني عطيه يوم قدح الاصايل*

*على صفى كنه مواطي جنازير*
*تحت الحوافر لون روس الفتايل*

*عداتهم تفريق دهم الطوابير*
*يوم الطمع بمعبسات الشمايل*

*على سروج معسكرات المسامير*
*يردون حوض الموت يوم الهوايل*

*لاشنت الغاره قبل وصة الطير*
*كم ابلج ٍ تبكيه شقرا جدايل*

*ومسك الختام لكل من يسكن البير*
*تحيه ٍ عطره بجزل المثايل*