أزكى التحايا والتباريك

أزكى التـــحايا والتبــاريك بالعيد

للشــعب والعــــاهل ولك يابلادي

تشملك ياغلا دار من دون تحديد

من حدك الادنى للاقصى وغادي

يديرة الامــجاد وأرض الاجــاويد

ياطهر بقاع الأرض مالك ملادي

أزفــها عبـــر الـــنسايم على البيد

فيها شذا عمبر ومــسك وزبادي

مــن الجبـــال الشامــخات المشاييد

لـكل شـبرٍ فـيك سـهـل ووادي

شموخ الأصيلة

الشاعره/شموخ الأصيله صح السانكِ على هذه المعايده الجميله .

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

	المشاركة الأصلية كتبت بواسطة سند العريمه

	الشاعره/شموخ الأصيله صح السانكِ على هذه المعايده الجميله .

صح بدنك أشكرك على التواجد لاهنت

الشاعره شموخ الاصيله صح لسانك
لاهنتي

	المشاركة الأصلية كتبت بواسطة الحب الباقي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح بدنك ووجهك أبيض أشكرك على الحضور بارك الله فيك

	المشاركة الأصلية كتبت بواسطة صلاح الحيسوني

	الشاعره شموخ الاصيله صح لسانك لاهنتي

صح بدنك ماتهون شاعرنا أشكرك على حضورك وفقك الله

صح الله لسانك
ولاهنتي
وسلم فكرك وبنانك
دمتي برعاية الله وحفظة

صح لسانك وسلم بنانك

صح السانك قصيده
وطنيه رايعه ماشالله