ديوان الشاعر عجاب صالح الحنتمي المزيني

قبلك وبعدك ياشعيب الزبيره
الدرب للكشات ماهو سماحي

وانا ابدوي بالبر علق مصيره
هواي شب النار برضن براحي

وسجت خلا في دار خضراء مطيره
وصوت ام سالم بالمساء والصباحي

اخير وابرك يالوجيه السفيره
من القصور ومنتجعنا السياحي

تسوى حياة اللي شبوحه قصيره
لو اقبلت ماهو براعي مراحي

ان راح مايبعد بيومه مسيره
ساعه ويرجع هروله للمراحي

يامل قلبن فيه مثل السعيره
مدري تساقى فيه سمن ذحاحي

على الزمان اللي حياته يسيره
لو المعيشه فيه تبغى كفاحي

بالقيض نقرب للعدود الغزيره
لاهل الضعن تسمع عليه الصياحي

ولامال ظل البيت وقت الظهيره
وسهيل بان وبارق الوسم لاحي

تفرقو والكل يبكي قصيره
مع الديار الطيبه والفساحي

ياوقت فيك اليوم عايش بحيره
يالله حسن الخاتمه والصلاحي

عجاب صالح الحنتمي