وجهة نظر ، قصيدة

السلام عليكم ورحمة الله وبركاته


هذي قصيدة للشاعر بدر سليمان الرحيلي والرد عليه

يقول بدر
اسـري مـع الـهـاجـوس واصـارع الــضيـق
واطـلـب مـن الله الـعـون مـن كـل وســواس

احــيـان اسـلّـي خــاطـري بـالــطـواريـــق
شـيٍ يــجـر الـهــم مــن عــمـق الأنــفــاس

إلـيـا ذكــرت افــعــال بــعـض الـمـخالـيــق
يـحـتار فـي الـفـكـر مـن بـعـض الاجـنـاس

اشـره عـلـى بـعـض الـرجـال الـمــدانـيـق
الـلـي عــلـى الـجــوّال ومــنـكـس الــراس

الـصـقـر يـرقــى لـلـجـبـال الـشــواهــيـق
والـبـوم وقـتـه ضـاع في مـراقــب الـنـاس

بـعـض الـرجـال الـمرجـله فـيـهـم تـلـيــق
والـبعض مـرجـلـتـه عـلى حـد الأضـراس

احـدن اذا شـفتـه سـعة صـدرك تـضيـق
واحــدن يـخـلّـي جــوّك افــراح واعــراس

واحـدن عـلى يـمـناك في نـشفـة الــريـق
فـيـه الـوفـا مـزروع والـطيب بـه ســاس

واحـدن يـشيل الـحـقـد لـك بالـصناديق
ودّه يــعــدّي بــك عـلـى درب الأدنـــاس

واحـدن يـسـافر بـك عـلى قـمّـة طــويـق
واحٰـدن مـاتاخـذ مـنـه غـيـر الـتّـنـكــاس

اخــاوي كــبـار الــرجـال الــمـطـالــيــق
الـلـي لــهـم بـالـجـد وقــفـه ونــومــاس

ذيـك الـرجـال الـلـي عـلى الــقـمّـه تـويـق
روسـن عـطـاهـا الـعـز شـمـعـه ونـبْـراس

ولـيـا لـحــقــنـي مــن زمـانـي لـواحــيــق
انـصى عــريـب الـجـد ومـعـرب الـسـاس

واشـوم نـفـسي عـن عـلـوم الـمـطـافـيق
مــكـثـريـن الــهــرج تــجّــار الإفـــلاس

صــنّـاع كـــذب مـــورديــن الـتـلافـيــق
فـيـهـم عـروق الـصدق صلـفـه ويــبّاس

مـعـروفــه الـدنـيـا حـظــوظ وتــوافــيــق
وحـظيظ من يـشـرب من الـعـافيه كـاس


ردي عليه

حي القصيـد وحي قاف المطاليق
نظــم لفابـه حــر سِجِّـل بقرطاس

من شاعـر ماله هوى في التفاريق
ينظم من الجزلات مايطرب الراس

أشرد مع الأفكـار مـرات وأفيــق
إذاسطا في موطن السر هوجاس

عـوذت باللي قدرته تفـرج الضيـق
الواحـد اللي يكشف الضـر والباس

ليه علـى أنـواع الرجاجيـل تعليـق
ماهي ظنون ولاخيالات وأحداس

خذهـاعن اللي وثـق العلـم توثيق
إذا بنى يبنـي على جيـد السـاس

الكل ينضـح من عـدود لها يويـق
ولكل عُـود عروق والعـرق دساس

اللي خلـق خلقـه فـرق فالمخاليـق
سبحـان خاقهم على عـدة اجناس

مثل المعادن تنكشف حزة الضيـق
رجل ذهب صافي ورجل من نحاس

ورجـل يحـل المعضـلات المغاليـق
ورجـل يجمـع وآخـر يفـرق النـاس

ورجـل علـى ماقيـل علـة معـاليـق
ورجــل تحـزم بـه وتعصبـه الـراس

ورجل مثـل سـالم بيـوم التحاليـق
ورجل على ختل القفا فاق جساس

وتلقى بهم عاقـل وتلقـى مطافيـق
وراي سـديـد وراي راعيـه منحاس

الـمـرجـلـه تـقــوى وخــوة مطـاليــق
والطيـب والعفـه عـن درب الأدنـاس

ودمحة خطأ من دون شرهه وتحقيق
في العايمـه لا جـات مـن أقـرب الناس

و الشـرط فيهـا طيـب ذكر وتوافيـق
وإكــرام نفـس وكـل شي لـه قيـاس

البيرق

صح لسان الشعراء وبيض الله وجه الناقل

صحت السنتكم
والله يـعـطـيـكم الـعـافيـــــــــــة
بيض الله وجيهكم

	المشاركة الأصلية كتبت بواسطة القلب الابيض

	صح لسان الشعراء وبيض الله وجه الناقل

صح بدنك
ووجهك أبيض
تحياتي

	المشاركة الأصلية كتبت بواسطة الحب الباقي

	صحت السنتكم والله يـعـطـيـكم الـعـافيـــــــــــة بيض الله وجيهكم

صح بدنك
الله يعافيك ووجهك أبيض

صح الله لسانك
ولاهنت
وسلم فكرك وبنانك
دمت برعاية الله وحفظة

صح السانكم جميعا
ابداع وجمال القصيدتين

صحت السنتكم
والله يـعـطـيـكم الـعـافيـة
بيض الله وجيهكم تحياتي