( هدايا الأحبّة تعطي الحُب الحياة )

قبلت الهديّة من غلا راعيها
على سعرها ماانظر يوم انظر فيها
قيمتها تقدّر من غلا مهديها
( هدايا الأحبّة تعطي الحُب الحياة )
أحافظ عليها وافتخر واهناها
عزيزة عساني ماعدم لُقياها
رصيد الغلا زايد في كسب ارضاها
( وزميل الوفا بالود يخشرني معاه )
صدوق الغلا يفرض عليّ آصونه
وشبيهه ماهو موجود لو يطرونه
عيوني تبادل بالشّعور عيونه
( فؤاده حفظ حبّي وبيّن لي غلاه )
يعاملني برِقه وصدق شعوره
طموحه سروري واهتني بسروره
عبارة حبيبي مرضيه للغروره
( نصيبه من التّقدير زايد عن سواه )

الشّاعر/ خالد بن عبيد بن معتوق الأحمدي

صح لسانك اخوي
لا عدمنا ابداعك

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح السانك
ابداع وتنوع في الطرح
سلمت يمينك

صح الله لسانك
ولاهنت
وسلم فكرك وبنانك
دمت برعاية الله وحفظة

صح لسانك

كلماتك غايه في الروعه

أحييك على هذه الابيات المتميزه

دمت ودام شعرك وبوحك