قصيدة مُهداة لجمعيّة.. ( بصمة إبداع المدينة )

من فِكرة المُبدع بدأ ينتُج إبداع
وتبلورت فِكرة وجابت فوايد
وتظهر محاسنها كما نور شعّاع
لهل المدينة طيّبين العوايد
فرحوا وهم يحضون بقلوبٍ أوساع
تسعى لفعل الخير من غير عايد
شاع الخبر والعلم تطربله اسماع
واللي سعى بالخير للخير رايد
تأسيس جمعيّة باسم بصمة إبداع
تخدُم فِئه تحتاج تقدير زايد
ذوي إعاقه ضاقت تعاني أوجاع
مع ضغط نفسي صاير العِبء كايد
ومعها فيئات أُخرى تعاني من أوضاع
زادت شقاها واشتكت من نكايد
وجميعهم لقيوا أهل قلب نصّاع
ينبض حنان ومنّه العطف سايد
وللخير نسمة تسري بكُل ذعذاع
من بصمة إبداع المدينه فرايد
تُدعم من أهل الخير بالمِد والصّاع
وفّقهم الله للجمايل شهايد
اعزومها خلّت لها الوقت مطواع
لها على فعل الجمايل عدايد
تطوعوا للخير مايرجوا أطماع
وفريق كافح يستحق القصايد
وياحظ من يُجبل على الخير ينصاع
ويدعم لمثلِك في زوال الشّدايد
لك خير يتضاعف ولك جُهد ماضاع
والله لايجعل لكي حيل بايد
وتستاهلين الشُّكُر يابصمة إبداع
وخُذي على جُهدك شهادة مُحايد

الشّاعر/ خالد بن عبيد بن معتوق الأحمدي

صح السانك واعتلا شانك

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة

صح الله السانك


قصيدة عانقة السماء بجزالتها وأبداعها

تحياتي لك

السلام عليكم ورحمة الله وبركاته
سلمت ودمت أخوي الشاعر صقر المراقيب على القصيدة .
.
.
جزله ورائعه وصح لسانك
أخوك ابوساره

الغالي / حسين
اشكرك على مرورك
والله يعطيك العافيه