( مــــطــــعــــــم الـــــمــــشــــراق )

في مطعم المشراق مع طلعة المشراق
وجبة فطور أُعجبت فيها ولا أنساها
عزمني الغالي غمرني بطيب أخلاق
مَدّة يمينه خير تجزل عطاياها
حيّابي وقلّي أن أختار فالأطباق
واخترت ماحسّيت نفسي تمنّاها
فرصه تهيّت لي بلحظه لها مشتاق
ماكان في بالي نصيبي بيلقاها
وقُمنا عن السّفره مع الحمد للرزّاق
والله يديم النّعمه اللي هنيناها
واللي عزمني له شُكري من الاعماق
الله يكثّر خيره بكُلْ معناها
واعجبني المطعم ومن حوله الأسواق
وزاده لذيذ وكم نفسٍ به أغراها
وموظّفينه كنّهم داخلين إسباق
روّاد مطعمها ماتخفي مزاياها
رغم إن بعض أحيان الجهد ماينطاق
يالله ترزقهم بصحّه وتحماها
وكثّر على المطعم وبارك له الأرزاق
وحماه من شرّ النّفوس وبلاياها
وآقول ماشاالله على مطعم المشراق
فيه اجمل الوجبات يامدوّر أشهاها

الشّاعر/ خالد بن عبيد بن معتوق الأحمدي