ياليت للحيين هيبه من الميت

صح لسانك لاهنت

ونص يعتبر من عيون الشعر في مجاله

يقول الشاعر بدر الحويفي
:بعض الكلام أخير من ردّه الصمت
وان جاء من الجاهل غلط ما جرمته
وعن بعض ما نسمع ويهرج تشيّمت
وسلم الرجال اهل السلوم احترمته
مهما حصل بأسلوب عقلي تحكّمت
ورأي الحكيم المعتدل ما لطمته
ومنها قوله:
بعض الكلام اليا سمعته تلطّمت
وفيض المجالس ما ازعجتني نغمته
طبعي على تأديب الأخلاق داومت
ومن ضاع عن درب السنع ما دعمته
وكذلك قوله:
أدخل على الله بالخطأ ما تذممت
وحق العباد وقدرهم ما هضمته
وجو الصداقه ما سهجته ولغّمت
معرض عن الغايب ولا آكل لحمته
و يقول الشاعر رشيد الزلامي:
يا صاحبي ما للمشاريه داعي
قدّام تفرض شرهتك شم يمناك
مشاعري ماهيب نقلٍ جماعي
أجمع بها حكيك واسوّي سواياك
العام قلت إنك طويل الذراعي
واليوم أبسحب كلمتي واتحداك
دافعت عنك ولا نفعني دفاعي
وسويت لك قيمه وكبّرت مركاك
وما دام كل اللِّي فعلناه ضاعي
ما فيه شيءٍ نطلبه غير فرقاك

رحم الله الشاعر بدر الحويفي
والشاعر رشيد الزلامي